A Seta, i a una librariá novela.
S'apèla Le Flo des Mots.
Es davant lo Canal. L'endrech val lo còp... Benlèu que la Jefa vos o explicarà s'aquò li peta.
Son de franchimandas-franchimandas-franchimandas (òc, tres còps) que tenon la causa. Son franchimandas-franchimandas-franchimandas mas an d'idèias que tenon la rota.
La librariá fa librariá (segur) e cava a vin.
E cada darrièr divendres del mes, fan una operacion que s'apela "prete moi ton livre"
Lo principi: cadun presenta un libre e lo presta a la persona que lo vòl. Cada còp, es un vintenat de personas que venon (public puslèu franchimando-bobo, rai).
Amb La Jefa e Pomponeta, ensajam d'i anar a cada còp. Perque sèm un ostal legeire.
E lo còp passat, enfin, decidiguèrem de presentar un libre.
Ieu, parlèri de Jean Claude Izzo de la trilogia Fabio Montale e de Le Soleil des Mourants. Parlèri amb vòia pendent 5 minutas.
Una vielha me pren un libre , un jove me pren un autre.
Sortissèm de la librariá.
E coma de costuma, començam lo rapòrt "e aquesta? e l'autra!"
Lengas de pelha en accion.
Coma dabans lo Canal an installat las tribunas per las ajustas, disi:
"- Ten, s'assetam e fasèm las lengas de pelha
S'assetam.
- Qual comença?
La Jefa fa "ieu ieu ieu"
perque amb La Jefa , sèm de campionas del mond de las lengas de pelha.
E comença:
- E ben ieu, quand èras a parlar, t'escotèri, èra plan çò que diguères. E , sas que t'escotavi coma cal, è, perque esperavi per saber quand anavas quequejar."
Salòòòòòòòòòòpa!
.
Siéu un marsihès, que vèni de descurbi lou voueste blog !!! Es agradiéu quenoun sai. Ai un siti oc qu'es " lexiqueprovencal.com ". E eimariéu veni un divendre de sèr à n'aquesto taulejado que lei presenton sei libre. Souncamen lou miéu es en patoues. Ai pas bèn coumpres ounte d'atrov=bo aquesto librarié.
ResponEliminaDigas à vouestei lengo de pèio, que soun meravihouso e que m'an foueço agrada.... Osco pèr vautrei qu'avès engimbra tout'aco!
mercés per ton messatge Peire!
ResponEliminala Librariá es a Seta, sul quai Suquet al numero 6 . se vòls telefonar per parlar de ton libre, es lo 04 67 51 31 83
e "pretemoi ton livre" es lo darrièr divendres del mes.
De tte façon on ne rit bien que du malheur de ceux qui nous sont prochzs!!
ResponEliminadigatz, primièr quequejar es pas un malur! e la mela se ne sortis plan.
ResponEliminapuèi a tornat començar aqueste divendres per presentar una BD sensa bofiga:cap de mots de legir: seriá per quequejar pas?
Me fa pensar a un dacòs que se sona lo "book crossing" onte te cal prene un libre que t'a agradat e lo daissar dins un endrech (un jardin public, la taula d'un bar... onte vòs que...)puei mandar un mail sus un site per balhar d'indicas sus lo luèc, e una persona X o Y lo ven cercar per lo legir e aquesta persona deu tornar fotre un libre que li a agradat dins un autre endrech ( cloquièr de gleisa, recanton d'un vilatge...) es un jòc fòrça simpatic e risolier.
ResponEliminaLa Jefa : Vertat que n'ei pas un malur de quequejar...
ResponEliminaEmelina : A, tè !?