dijous, 25 de setembre del 2008

La Mar grana e dangierosa

Un legeire dau blòg que per gardar son anonimat li direm Albatòr aguèt un accident qu'auriá pogut èsser grèu.
Cabussèt dins las ondas de la Mar Grana a Biarritz. Anèt potonejar las ròcas, 20 punts de sutura sus la cara. Tot aquò en "zòna de banh", sens un panèu que diguèsse "atencion ton morre, pìchòt, i a tot plen de ròcas empr'aquí". Es pas lo primièr. De qu'espèra la comuna de Biarritz per que siague lo darrièr?!?! Espèran que n'i aja un que se cope unas vertebras?

Albatòr, un brave poton e quitament amb las cicatrises de'n pertot sus la cara siás beròi e t'aimi!

Pels autres, s'anatz faire de surf o de plofs a la Mar Grana, mèfi a las ròcas!


.

6 comentaris:

  1. Mercés Melà !!!!

    ResponElimina
  2. Mercééééééés Melà !

    ResponElimina
  3. Aquò ei çò qui podem aperar anonimat, lol! Bona restablida a l'albatòr! A Biàrritz, la mar grana ei ja basca, doncas menshidà's que cau!

    ResponElimina
  4. Basca ?! Pas aquiu Mossur, nani !
    Qu'èri deu costat gascon de Biàrritz... mes que contunharèi la mea recèrca suus noms occitans de las arròcas de Biàrritz drin mei tard...

    ResponElimina
  5. Ieu es la mar egèia que m'agrada. Es sus mon blog. Mai es pas per faire la reclama que vos dise aquo.

    ResponElimina
  6. As plan arrason, kkjalbator! N'auràn pas Baiona, Anglet ni Biàrritz! Visca lo Baish-Ador!
    E tant que i ès, possa dinc au Guipuscoa: Hondarribia ( Hont Arràbia, Fuenterrabia), Pasaia / Passa(t)ge sens oblidar Donosti: Monte Urgull / Mont Orgulh, Miramon / Miramont etc, etc sens oblidar las "kaleak" Enbeltrán/ En Beltràn e Narrica/ Na Rica!
    Bon, suenha't plan!

    ResponElimina

Mercé :)