diumenge, 5 de juliol del 2009

Lo messatge de la granhòta

Lo Pèire de la Sauma me demanda se li ai fach un poton a la granhòta qu'èra benlèu mon Prince....

La granhòta sul burre.
S'agacham un moment. Ambient musical "duèl de western".

Puèi preni lo burre, amb la granhòta dessús, per l'anar metre defòra (la granhòta, pas lo burre).
E tot de long la granhòta de m'agachar.

E ieu, ai tot plen d'imaginacion. Ai un pauc 5 ans e mièg dins mon cap. M'agradan las istòrias, o cresi tot e soi inocenta complet.
Alara, òc, es vertat, i pensèri que benlèu me li caliá faire un poton a la granhòta. Puèi, quitava pas de m'agachar. Es plan que i aviá quicòm. Sequenon, auriá agachat quicòm mai.

Li faire un poton. E apareissèra mon prince (e m'espotirà lo burre aquel conàs).
Ben non, pas de poton a la granhòta.
L'ai ja mon prince.
Èra benlèu aquò lo messatge de la granhòta dins lo frigo.

3 comentaris:

  1. Laurenç5/7/09 14:37

    De granhòtas que venon prince, sabi pas, mas te pòdi dire que ieu soi un prince que ven granhòta pro sovent : cada còp que la femna me dis : "m'escotas ?", li respondi :"quoi ?"

    ResponElimina
  2. Adiu
    Benlèu lo grapal, es un prince bèl sens cap de princessa , dintrat jos una fuèlha de lachuga.
    Mesfisatz vos que lo type sorte pas coma un liaç , un jorn que dubrirètz la pòrta.
    De segur i tornarà.
    Benlèu qu'es un truca luna que se daissèt clavar , sonque per veire se la lum s'atuda dins lo frigò.
    O alara un brave grapal coma totes los autres que volia pas que se far ambe la granhòta coma dins ,lo darrièr tangò de Paris .
    I a un fum de possibilitats .
    Un rusat , menimos, que riscava pas de morir de fam?

    ResponElimina
  3. Un còp qu'embarrèm shens se n'avisar un gatòt hens lo frigo.
    Urosament qu'aqueth par de hèita n'aparín pas en medish temps !
    Qu'estosse podut estar un remake de "Tom & Jerry" hens un frigo, que'm diseràs...

    ResponElimina

Mercé :)