dilluns, 21 de març de 2011

Castèl de Cassan

Aprèp aver bufat pendent doas oras pel Carnaval de Cauç, volguèri anar visitar lo castèl de Cassan qu'es pas gaire luènh de Pesenàs, entre Gabian e Rojan. Lo Castèl de Cassan, i passèri dabans quauques setmanas enrè, m'i poguèri pas arrestar, mas aviái marcat dins mon cap "de visitar" de tant que ne demorèri bocabadada en passant lèu fach en auto. Dissabte, èra l'escasença de la far la visita. 
Levat que de novembre a abrial se pòt pas visitar. 
Of course. 

Pas grèu, emai sens poder dintrar, profechèri del solelh per far quauques fòtos...






En clicar sus la foto, poiretz legir las explicas sus la façada.
Lo Castèl de Cassan es pas sonque una glèisa del sègle dotze e una façada del sègle dètz-e-uèch ; ara i fan una molonada de causas que veiretz sul sit cassan.org: visitas, afars, cultura, vin e sega auditiva del trabalh.

Ben, ai ben enveja de lo visitar lo castèl, l'abadiá, la glèisa e los jardins e tot e tot :)
Vos tendrai al fial :)

1 comentari:

André ha dit...

Que son modèrnes, aquel monde ! Que hican ua revirada en anglés… Faut vivre avec son temps, coco ! Malurosament, n'an pas avut pro de moneda tà verificar la revirada.
Qu'a plan rason, lo ministre de l'Educacion de voler impausar l'anglés pertot…