dimarts, 1 de maig del 2012

Vòli pas pagar

Profiechi d'aqueste jorn especial per vos far resson d'una rebellion ciutadana qu'es a crèisser en Catalonha e qu'ai pas res legit aquí dessús dins la premsa non-catalana, tròp ocupats que son totes a parlar dels Guinhòls : lo No Vull Pagar ("vòli pas pagar"). 
Los Catalans vòlon pas mai pagar los peatges de l'autorota. Un comencèt. Arribèt al peatge. Li diguèron "fa tant", lo tipe diguèt "vòli pas pagar". E publiquèt aquò sus internet en dire que se totes fan parièr, arrestaràn d'èsser raubats per aquelas autopistas. E ara, de centenats d'automobilistas prenon l'autorota, e, un còp al peatge, dison aimablament "vòli pas pagar".
Perqué vòlon pas pagar? Ja sul principi, sèm totes d'acòrdi que nos fa mal al cuol a cada còp que pagam l'autorota. Mas an mai d'arguments... : a la basa, los peatges èran aquí per amortizar lo còst de las autopistas, e, o cal plan dire, son amortizadas dempuèi bèl brieu. Mas mai que mai, Catalonha es la sola comunautat autonòma d'Espanha ont cal pagar l'autorota. Per exemple, dos tèrces del malhum autorotièr catalan es pagant contra 3% de las autorotas de la comunautat de Madrid. Veiretz las chifras e d'autras rasons per "vòli pas pagar" aquí.
Se son organizats lo mond per saber de qué riscavan a pas pagar l'autorota, e ben riscan pas res.
Podètz veire a aqueste article de Vilaweb las vidèos del monde qu'an dich de non.
E se ne volètz saber mai, podètz consultar los sits novullpagar.cat, proupeatges.cat e l'indispensable Vilaweb.

E ben aquel moviment ciutadan non organizat qu'a montat en poténcia me daissa plan admirativa dels catalans. A un moment, èsser pro de dire non per arrestar çò que nos sembla injust. Aver las colhas e/o l'intelligéncia de dire basta. E o far totes ensem. 




7 comentaris:

  1. El senyor Dupond-Aignan també vol 'nacionalitzar' les autopistes. Malauradament, crec que és l'únic candidat que ha fet aquesta proposta. Ja se sap. Hem nascut per pagar factures...
    JD B

    ResponElimina
  2. Ò, drolleta, te daissas anar a emplegar de mots un pauc grossièrs ; aquò te sembla pas!
    Siás en colèra o qué ?

    ResponElimina
  3. gràcies pel post Mela.

    (només una cosa: en català, en comptes de "basta", fem servir una paraula que també coneixeu a Occitània ;-)

    http://www.youtube.com/watch?v=8fs99EZrW7s )

    ResponElimina
  4. E cossí dises a la maquina que te vòl far pagar : "non, vòli pas pagar !" ??????

    ResponElimina
  5. Mirelha : Bona question. Sus la maquina, i a un Boton d'assisténcia, dison a la persona que respond que vòlon pas pagar.

    Pep : vertat :)

    Anonim occitan: "pagar" es un mot grossieràs, as ben rason. non, soi pas en colèra, soi enraumassada.

    JDB: Et podria contestar que també es pot agafar el tren, però els preus de la SNCF són prohibitius, i la xarxa, per aquí en tot cas, molt reduïda...

    ResponElimina
  6. "Catalonha es la sola comunautat autonòma d'Espanha ont cal pagar l'autorota" Aquò qu'ei simplement mentida.
    Be son plan amortizadas e ramassadas per Abertis, societat catalana qu'a los drets deu 59% de TOTAS las autorotas espanhòlas e de 1700 kms. en França.
    Te cau cèrcar un pauc la informacion que dònas e creire pas tot çò qu'arriva de l'aute costat deu Capcir.

    ResponElimina
  7. L'anomim d'11h46: Òc, la frasa que citatz èra una messorga, pròva n'es la frasa que seguissiá que la veniá contradire.

    Per çò qu'es de l'"informacion", aqueste blòg, o auretz remarcat, se vòl pas un site d'informacions, i a La Setmana o lo Jornalet per aquò. Aqueste blòg es un espaci personal ont desparli quand n'ai lo temps o l'enveja e pretendi pas téner un sit d'informacions. Aqueste pòst èra per evocar un movement que me semblava interessant. Aprèp i a los ligams e los legeires del blòg seràn pro intelligents per cavar mai se n'an enveja.

    E los que son pas contents...

    ResponElimina

Mercé :)