dijous, 14 de febrer del 2013

L'eslip dau vesin

Vos pòdi dire que a mon entorn, l'istòria del boxer unenc del vesin fa parlar.
Caduna i va de sa teoria.
E disi plan "caduna".

Ma maire ditz que n'utiliza pas qu'un, que los òmes, aquò embrutís mens las culòtas que las femnas. Segur, un òme, aquò a pas las règlas que te taca lo pijama e los lençòls la nuèch, un òme, aquò a pas de pèrdas blancas (bon apetís!), un òme aquò a pas aquela c(o)(au)neta umida de longa entre las patas, rai. 
O cal plan dire, de còps que i a ne sortisson de causas un pauc desgulassas de nòstra pachòla, a despart d'un vièch mòl e d'espèrme caud vòli dire. Un jorn, trobèri una causa gelatinosa, genre agar-agar mas en transparent sens cap odor. Panica dins los comuns. Mandèri un SMS a tot mon repertòri en dirècte dels comuns amb una descripcion menimosa de la causa. Un me respondèt "ta gueule, c'est juste que t'ovules" (ai d'amics ginecològs pas totjorn aimables...). Las gallinas cantan quand fan l'uòu, nosautras, secretam de matèrias roswell's spririt, es la Natura, es aital.

La Jefa ditz que los òmes, si que los embrutan los eslips,  que s'eissugan pas aprèp lo pisson e la darrièra gota es totjorn per lo boxèr. 
Pas vertat, ieu coneissi de tipes que se l'eissugan la fava. Nota bene per nòstres amics los mascles que s'eissugan la fava aprèp lo pissonet : mèfi de i pas daissar de bocinons de papièr, es pas jamai agradiu d'engolir de papièr.

I a tanben los parkinsons que se secotisson l'aucèl de naut en bas per faire tombar la darrièra gota. E coma en general, i a totjorn mai d'una gota, ne profièchan per ne fotre un pauc pertot. Es un reflèxe canin.

I a tanben los que se prenon per sa mameta e son old school way of life : se lavan lo boxer cada ser e lo fan secar sul caufatge per aver los rostons caudets l'endeman de matin.

E ben ieu me demandi dins quina categoria es lo vesin. 

En tot cas, la puta, dempuèi quauques setmanas, vesi pas mai sos vestits sus la còrda. 


2 comentaris:

  1. Bonjorn, sei lu veisin.

    Vòle dire aquí que la veisina es escrivana sus lu blòg dau Morandini :
    http://www.jeanmarcmorandini.com/article-252150-le-styliste-andrew-christian-fait-sauter-son-site-internet-apres-la-diffusion-d-un

    Que me, chamge d'eslip tots los jorns, e que son daus eslip de França, v-òc-es de França :
    http://www.lanouvellerepublique.fr/Toute-zone/n/Contenus/Articles/2012/03/30/Une-campagne-de-pub-decalee-pour-le-Slip-francais

    Lu veisin per de bon

    ResponElimina
  2. Quèca sens papièrs demanda asil.

    ResponElimina

Mercé :)