dimecres, 3 de febrer del 2010

Menut trufat

Lo dinnar de nòstre dissabte trufarèl foguèt... inesperat, siam pas acostumats a akò nosautres!

Doceta.
çò negre, es pas de pebre, inocentasses!,  es de trufa :)
(èra booooooooooooooooooooooooooooon)


Saussissa ('fant qu'èra bona)
e purèia, una purèia vertadièra de patanons vertadièrs esquichats per una maquina manuala que te daissa de troces de patanons dins ta purèia e k'akò's tròp bon... es una purèia avec des vrais morceaux dedans. E los puntets negres? Ben de trufa pardina :) e la purèia trufada es tot simple, es pas car (enfin, pels patanons LOL) e es boooooooooooooooooooooooooooon. O aguèsses sachut que manjariam tan plan, auriái portat mon Tuperware lo mai bèl!

Kò's de colomièrs amb de trufa dedins. Akò lo tastèri per tastar puèi lo donèri a mon vesin de taula qu'èra plan content que lo colomièrs, berk berk berk. vos doni lo biais: cal prene un formatge francés insipidi (coulommiers o brie) lo talhar per la mitat orizontalament , tartinar de trufa, barrar la causa, l'emplasticar pendent 48h.





Especiala dedicaça al manjaire de Mesturet que poguèt pas venir , pauròt, e que, per compensar, ensaja de trobar de trufas dins son compòst.



8 comentaris:

  1. Quò balha enveja... Miam !

    Mas lo Brie es pas un fromatge insipidi, malurosa ! Lo Brie es lo rei dau fromatge, coma dins lo poema (que te tornarai trobar... anem ! quò farà un messatge de mai sus mon blògue !!).

    De segur, lo colomiers industriau, lo brie fach en Lorena, qu'es insipidi. Lo vrai, l'unic, qu'es lo brie de Melun. E t'as pas mestier de fotre de las trufas dedins !

    Ente nasquei ? A Melun...Mas, de segur, sei totalament objectiu...

    ResponElimina
  2. quequejaire3/2/10 14:19

    Aquò' beròi !

    Vertat que s'esperam un Mac Trufa, que vam poder aténer ua pausa...

    ResponElimina
  3. [Messatge codat entre filhas]
    Me vòls tuar ? (Sabes, tu, perqué dise aquò...) Mès, 5 de mens duèi matin per mos 40 ans ! Sens Blase.

    ResponElimina
  4. J'en veux, j'en veux, j'en veux sauf du Brie :-)

    ResponElimina
  5. Encara polidas fotòs.... mas mefisa te, que, sa cal melhor far enveja que pietat, cal pas passar l'òsca.
    Una question , per de qué montar las rabassas dusca a la plana de Brie , per de qué, pas las mesclar als peralhs per etsemple sus plaça .
    Bon una idèa....
    E una darrièra question: ont se debanèt aquela culhida orgiaqua?

    ResponElimina
  6. Dins lo compòst se pòt trobar de cogordas...E se veson plan (tot çò que cal pel mesturet.

    E lo mesturet a la trufa ?

    ResponElimina
  7. Pibola: e ben i pensèri justament al mesturet trufat. i tombaràs pas la botelha de ròm benlèu LOL

    Manjacostèla: ont? Secretàs :)

    Anonima blonda: la trufa, akò fa pas grossir.

    lo grelh: fuck lo brie , òsca lo Cantal. sèm d'acòrdi :)

    Quequejaire: fa plaser de te tornar veire :)

    Maime: as mancat lo forabandiment de pas gaire :)

    ResponElimina
  8. Lo forabandiment ? Per dire la vertat !!! :-P

    Lo poema es sus mon blògue (e dirai pas que lo tipe que l'escriguet, ne'n escrivia un sus lo cantal per dire qu'era tot parier melhor que lo brie...).

    ResponElimina

Mercé :)