dijous, 25 de novembre de 2010

2005! Òc, 2005!

Facebook t'o a pas dich.
Es l'aniversari dau blòg.
5 ans!

5 ans fa, publicavi mon primièr pòst.
Mon primièr pòst, lo sol pòst pas brica pas brica autobiografic.

5 ans fa, aquò començava ex nihilo.

5 ans fa, n'i aviá un, pas qu'un, un solet, que comentava regularament, e lo vòli granmercejar que, dempuèi 5 ans, es aquí a legir e a daissar de comentaris. Granmercés mon Camelon :).

Mas Camelon , lo coneissiái, eriam a la fac ensems. I aviá en mai del Camelon un autre comentator regulièr, que comentava dins un lengatge estranh, Pasha, que el tanben dubriguèt son blòg quauques temps mai tard... 2 ans mai tard que lo mieu. Maime, es ton blòganiversari a tu tanben :)



Pels 5 ans del blòg, m'agradariá de vos pausar quauques questions. Ai carculat qu'ai entre 50 e 80 legeires regulièrs (que venon cada jorn o quasi). Vaquí mas questions:
1) Cossí arribèretz aquí?
2) De qué vos agrada pas?
3) De qué vos agradariá mai?


Granmercés a totes los legeires que venon aquí , un grangrangrandmercés als comentators e un poton especial al mond que crosi dins la vida vertadièrapasvirtuala e que me dison tot contents que legisson lo blòg :)

14 comentaris:

Jp la rapieta ha dit...

Happy bird day to you,

Afé non, happy birth dave too youtube,

Enquera non, 'laidonc, bon aniversari.

jp la rapieta que i torna ha dit...

E marda, obludí lo questionament :
1/ ses dins lu bloguitge mai dins mon « winget feedsplash », 'laidonc, vise quai'ement tots los jorns quante i a dau noveu.
2/ chamja ren dau tot, ton cibercaier es mai que bra'e.
3/ mai de sèxe ? mai seriosament, un joèb es pas 'na revuda, pas nimai 'na pardida d'alonjament chas lu psi, mas t'ses libra d'emplir ton espaci coma tu vòles.

Pasha ha dit...

Filh de garça ! Sabia pas qu'aviam dreibit nòstres blògues lo mesme jorn (a dos ans de temps).

Alaidonc, te vau respondre a las questions :

1) Cercava d'occitan d'escotar sus Internet e trobava pas lo site de RLO. O crese que ne'n trobei un, que marchava pas bien, mas... l'i avia un liam vers ton blògue ! Qu'era lo 15 de març 2006 e quand cliquei dessus, viguei la pagina dau mes de març emb 'na video que se lançava tota sola e que me parlava alemand... afros !

http://melanizetofre.blogspot.com/2006/03/fotbl-sus-un-blog-de-filha.html

2) La barradura dau blògue quand quò vai pas... perque quò vòu dire que quò vai pas...

3) Ai pas envia de demandar quauqua-ren... Prefere que ton blògue sia 'na suspresa... Per exemple auei, ton messatge, quò fuguet 'na brava suspresa ! Me falia tornar trobar mon prumier comentari !! Las carfochas de Perigüers ne'n van prener dau retard... :-D

Lo poton e bon anniversari (qu'es pas te que potone, Mela, mas ton blògue :-P )

merike ha dit...

Enhorabona Mela,

Felicitats per aquests primers 5 anys del teu blog!
Desitjo que molts més anys poguem llegir-te.

Espero que jo hagi entès correctament les teves preguntes.

Les respostes són:

1) A través d'un altre blogista que feia referència del teu blog,
des d'abril 2007

2) Tens una foto que no m'agrada i crec que saps que és:)

3) Vull veure més fotos teves dels viatges que fas.
M'agradaria també més música occitana.

Patricia ha dit...

1) I arribère ieu per "practica modèrna de la lenga" 2ena annada. :) Un modèl.
2) M'agrada pas d'èsser pas ton amiga sus FB. (Deuriái far de politica... Non mès i a pas res de dire, vertadièirament, qué vòls...)
3) De qué m'agradariá mai... De qué m'agradariá mai...
Res. Aquò's mon pichon-moment-risolièr-borlesc del matin.
Bon aniversari :) A dissabte.

Anonime qui quequeja... ha dit...

1) En picar "poulido lengo prouvençalo" sus Google.
2) N'i a quasi pas mei nada fòto de pès, çò qui èra un concèpte màger deu blòg au començar.
3) Mei de jòcs musicaus, perdiu !

Digó János ha dit...

Òsca per tu.... Despèi qu'i a FB (qu'es fin finala un micro-blòg) capiti pas pus de "far viure" lo mieu blòg.
Ara per las questions:

1) Ne'n parlères sus la list-oc se me'n brembi plan.
2) Quand parlas de totis aquelis concèrts que tu poguères i anar e ieu pas -- non, galegi...
3) Mai de fòtos de totis aquelis concèrts :-p

camel ha dit...

1) Me soveni pas pus, benlèu me n'aviás parlat a una escasença o a una autra.
2) Vesi pas çò que i a de cambiar, la forma aquesta me conven.
3) M'agradariá de tornar veire las fòtos de pès.

En tot cas, te mercegi ieu per aquela especiala dedicaça... Ai plan comprés, après m'èstre 'exilat' del meu país a mon torn, de qu'èran tas motivacions per far aquel blòg. Te disi pas qu'una causa : contunha a nos far passar tas fòtos, tas impressions, ton estrambòrd, etc... Tot çò que fa la demostracion que la vida vidanta es tanben una aventura saborosa de temps en quora. Ten te fièra, show must go on!

Joan deu Peiroton ha dit...

5 ans ja? Ten, t'imaginavi pas tan vièlha. En tot cas, bon aniversari!
Bon, alara, las responsas:
1) Arribèri aquí sai pas cossí mas èra pas per miracle. Per internet, probable.
2) lo silenci d'en prumièr, los jòcs musicals aprèp (que i perdi totjorn).
3) lo retorn aprèp lo silenci. E tota la rèsta.
Bon, alara, coma dison en iberoccitan: per molts anys!

La Vièlha ha dit...

Bon aniversari an aquel pichon blòg que vendrà bèl baste que Melania li prèste vida e espèri que li'n prestarà fòrça temps.
1- Me rapèli pas qual me ne parlèt.
2 e 3 - tot me va plan.
Lo poton!

Cercaval ha dit...

Bon aniversari alara !
1)Fa doas o tres annadas cercavi tot çò que parlava occitan e aqueste blòg foguèt lèu dins los "favorits".
2) Res. Coma o ditz Patricia, es un model. Per exemple, ai plan presat (entre autras causas)l'analisi plena de franquesa sus la Granda Nuèit d'Occitània.
3)Que contuhèsses !
A lèu.

Anònim ha dit...

:) Osca Mèla !
1/ Impossible de me rementar. 5 ans. Capacitat de memòria despassada.
2/ tot va plan
3/ Totjorn mai de Mauresca... e de Roland (Pécout, Ramade, ...) :)
Bona continuacion, Mèla !

Androna ha dit...

Oé, oé, oé, oé....

Vaja, felicitats, jo no en sóc seguidor de fa gaire, un parell d'anys potser?

1) Buscava pel google coses de Seta i occità, per allà sortia algun link del teu blog.
2)Del blog no en tinc queixes, el que no m'agrada és no conèixer-te en persona :( I això que has vingut alguna vegada per Olot i jo vaig a Seta de tant en tant. Quan quedem?
3)A mi sempre m'agrada quan expliques les teves històries dignes d'un guió de novel.la còmica.

Fins aviat

www.androna.com

Tam ha dit...

tot va plan
es un plaser
longa mai