Mon Itunes me descarga cada jorn quauques podcasts qu'escoti pas sovent.
N'i a un que manki pas de l'escotar es "la minuta de meditacion" de Catalunya Radio.
Un monge bodista, a 20h30 petantas, fa una minuta de meditacion. Ieu ai lo pòdcast, mas cada còp imagini Catalunya Radio, radio que s'arresta pas jamai de parlar, de charrar,de bracejar (òc, una ràdio braceja lol) e tot d'un còp a 20h30 las paraulas se fan mai lentas, las voses se fan mai doças, lo bodista es dins la plaça, es lo temps de la meditacion.
Veire l'aire dintrar e sortir pel nas, sentir la lutz montar, e faire profechar la planèta tota de nòstre bonur passatgièr. Una minuta. Puèi tòrna prene Catalunya Radio... "gràcies Ricard per aquest minut de meditació, el dimecres tindrem futbol"....e tornam brutalament a la vida vertadièra. La dels sòus, la dels bruches, la del lèu-lèu...
Per escotar la minuta de meditacion, aquò's aquí.
Un concèpte de perpausar a las ràdios occitanas tanben, dab, au segit de la minuta de meditacion, un beròi jingle pòp-disco-merdós ! :)
ResponEliminaIeu també de còps me preni un Ricard per m'ajudar a meditar!!! Mas ben fresc, eh? E amb pas tròp d'aiga, que es la secada...
ResponEliminaEri força fatigat ier quora escrigueri lo darrier comentari...M'es sortit un mescladis d'occitan e de catalan...Mos neuronas me jogan de torns de cops...I sias un pauc acostumada, non? Ben, quand meme, soi pas fier...
ResponEliminaUn jorn,auriai de seguir de corses de maniera seriosa, de tot biais. Mas ai pas lo coratge.
En tot cas, quina pena que poguesses pas editar mos comentaris e corregir mas fautas...Ne seriai content...
Reina, t'envii un poton amb mas excusas per esparraquejar la lenga :(!