dilluns, 7 d’abril del 2008

Pantà de Susqueda i Pantà de Sau

Amb MonAmorósMaiContent, anèrem passejar per las restancas de Susqueda e Sau en Catalonha. (per situar, clicar akí)

D'aquesta passa, i a un problema grèu grèu de secada en Catalonha que las reservas d'aiga son a 20%, son plan baissas coma o veiretz sus las fòtos.
L'ACA, Agéncia Catalana de l'Aiga, a mes en plaça un sit per informar sus la secada qu'es ara lo problèma nº1 de CAtalonha.

Coma totes los Catalans Barcelonins, anèrem faire un torn pels pantans.

Totas las fòtos son de MonAmorósMaiContent (ah quel bel homme...)



Lo barratge de Susqueda


Susqueda, l'aiga, una rèsta d'ostal e los cingles
Es estranh de veire las rèstas dels ostals, de veire una civilizacion sota l'aiga....

lo pont e la glèisa de Queròs
normalament lo pont se vei pas, es negat jos l'aiga,
ja en 2005 se vesiá un pauc, e ara , ben o veses ben...
agachatz, l'aiga que i passa sota:

(akesta de fòto es meuna)


;)


Païsatge desertic
(akesta de fòto es meuna)
Païsatge desertic
(akesta de fòto es meuna
mas vos en dobtaviatz)


la primièra catarineta de l'annada!
ne veguèri 4 o 5 (o benlèu èra 4 o 5 còps la meteissa?)
una catarineta , en catalan akò se ditz una marieta oaf oaf oaf.
(akesta de fòto es meuna
mas vos en dobtaviatz,
MonAmorós fa pas de fòtos trebolas el)



MonAmorósMaiContent me faguèt la visita dins sa Ròllsblanca qu'es una merda sus las rotas mas qu'es geniala pels caminòls que ma Cagona i metriá pas lo nas. MonAmorós estambordat "òooo, agacha quin caminòoooot, i anam?" e zo, Port Aventura a costat es de pipi de gata. Es genial, akò bolega, un pauc d'adrenalina, un pauc "mèèèèèèfi la peirassa" (kina copilòta k'a MonAmorós) e permet de prene los caminòts desfaches per la pluèja, lo temps que passa e los quads. Alara, akí l'avètz la Ròllsblanca:
Secada, avètz dich secada?
Agachatz la diferéncia entre lo nivèl maximum e çò que i a...


Glèisa de Sant Romà a Sau,
normalament, la glèisa es negada, se vei pas que lo campanal...





De fòtos qu'aimariam de las poder pas faire... Marcamal se passeja.


embalses.net per veire l'estat dels barratges de l'estat espanhòl. De senhalar que los barratges, es la soleta causa positiva facha per Franco.




Granmercé a MonAmorósMaiContent per aquesta dimenjada!!




paissièra: barratge sus una ribièra per reténer o desvirar una partida de l'aiga cap a un molin segon lo diccionari Tot en òc
reprovèrbi segon lo TdF : A cada paissìera fau un escampador

restanca: barratge sus una ribièra segon lo diccionari Tot en òc
reprovèrbi segon lo TdF: Faire restanca al valat: se coucher dans le ruisseau en parlant d'un ivrogne

6 comentaris:

  1. Torne de Ventor amé mei toristas de l'agéncia de viatge. Avèm rescontrat una guida de montanha. Nos diguèt que l'aiga sarié lo problèma major dei generacions dins 15 ans. Sus ventor, ja, sabèm que d'espècias d'aubres son a desaparèisser...

    ResponElimina
  2. La catarineta en finès és leppäkerttu. Leppä és un vern i kerttu és un nom d'una dona. (Com Gertrud) Fotos boniques. Una abraçada!

    ResponElimina
  3. Es pas aisit de comentar d’imatges de secada, per polidas que sián las fòtos- e òc, son tras que polidas – per çò que la secada ei trista e angoissosa. Sens aigua, i a plan segur pas cap de vida possibla, e la manca s’aigua significa perduda d’equilibri secular e risc de conflicte entre les comunautats, los vilatges, entre los de las ciutats e los del camps…
    En tot cas, i a urgéncia de cambiar las nòstras abitudassas, nos cal inspirar de las tecnicas d’asagatge que fan servir als paises arids.
    Podèm pas contunhar de tolerar de camps de gòlf tan consomators d’aiga, ja seriá temps d’imaginar de jòcs de gòlf per terrenhs desertics (amb, perqué pas, de camèls aprivadats per raportar las pelòtas ).
    En tot cas, sètz plan braves d’assajar d'emplenar la conca amb d’aiga occitana. Aquò’s plan, an besonh de solidaritat. Mas ne caldrà un pauc mai qu’una soleta botelha d'aigua nòstra , me sembla. En tot cas, òsca !
    Ah ! E ja que sèm al vocabulari entomologic, en gascon es mariacondon (si , si !) o volamaria : la coccinèla, vòli dire.

    ResponElimina
  4. Tè, voliái i ajustar una causeta mai. Los autres, sabi pas, mas ieu, tròbi fòrça utilas e interessantas tas notetas lingüisticas que nos as redigidas en tipes tot pichons a la fin de ton messatge. Podem aprene la lenga tot en te legir e en véser de fotos polidas. Qué demandar de mai?

    ResponElimina
  5. I am really worried about the water shortage in Catalunyà. This article says about it, they are planning to bring water with ships from France. I wish I could understand your blog 99 % more. It is awfully well written, that much I can see. Taloussanomat
    Have a beautiful weekend!

    ResponElimina
  6. soi passada per aqui en junh de l'an passat i avia mai d'aiga e aviai pas un 4X4 mas una pichota marbella qu'es passada per lo meteis camin.Fasia un temps de merda qu'a plogut tota la jornada mas fin finala soi mai contenta d'aver vist d'aiga qu'ara n'i a pas pus.
    luseta

    ResponElimina

Mercé :)