diumenge, 20 de juny del 2010

Total Festum a Seta: autbòi e mauresca! What else?

Divendres, èri a Seta per Total Festum.

Vos parlarai pas de la fèsta del pofre que faguèron que seriái missanta. (romeguèri pendent una ora de temps, LaJefa ne pòt testimoniar).

La bona suspresa, akò foguèt Mauresca Fracas Dub. Pas la revelacion, que los coneissi dempuèi un brieu! Mas fasiá moment que los aviái pas vistes e aviái doblidat coma es un putan de bon grop de scèna! Una bona umor, una critica inteligenta, un vam tarrible, una energia contagiosa, una bona reparticion entre totes los membres del grop. Un bon concèrt, d'agachar, d'escotar o de sautar.

3 videos de la serada a Seta:
La primièra aquò's la video de transicion entre las conariás teatralo-pofrescas dels parisencs e lo concèrt, amb los 3 autbòis: Felip Carcassès (de Biscam Pas),  Alain Charrié (dels Souffleurs de Rêve) e Eric Livolsi (de la fanfara geniala  Marcelle Coulazou - caldrà que ne parle!) que jògan "La Descente de la Bourse" sul dub de Drac Gavach de Mauresca. Soi fan fan fan.


I aviá de mond a la serada! Mas lo mond se tirèron dau mitan que i aviá una guerra que los projectils èran de pofres. Èra plan desgulasse. Mas akò los fasiá rire. Ieu akò me fa pas rire de jogar amb lo manjar, mas me cali que me van encara dire que me sabi pas amusar... ben non, me cali pas, lo pofre es quand meme plan melhor dins una tièla que non pas pel sòl. E critiqui pas los  estudiants montpelhierencs qu'empofrèron Chevenement nimai los setòris qu'escampèron de pofres sul MacDo tot nòu que pudissiá pas encara a toat, avián rason :)

Las doas videos que seguisson, son los mèstres autboissaires Mèstre Alain Charrié e Magic Felip Carcassès. Primièr, un extrach cortet de "Ya Basta!"


E enfin, lo remembre esmovent de la serada amb la cançon "Seta"perque es una cançon que m'agrada e s'ausís d'un autre biais sus plaça :) E mai que mai perque lo concèrt, èra en fàcia ( de l'autre costat del canal) del centre de retencion. Sus la video, a 3'20:




Ieu disi que dos autbòis sus de dub, akò m'agrada GRÈU!!





Ne profechi per far de reclama! Lo 3en 4en CD de Mauresca es en soscripcion, anatz-i! Es d'autoproduccion, e un CD akò còsta de sòus. Se titola "cooperativa", what else?

7 comentaris:

  1. M'autocomenti:
    La dançona dels dos cantaires de MFD sul repic de la cançon Seta , soi faaaaaaaaaaaaaaaaaaaaaaaaan. Es la dança de l'estiu. Tròp tròp sexi.

    ResponElimina
  2. Parlen de Biscam Pas a la fin dau prumier bocin, mas... son pas mai nombros que quò ? Me rapele pus. Los viguerei fai 3 ans de temps au 24 oras dau folk.

    ResponElimina
  3. lajefa e pomponeta21/6/10 7:06

    avèm remarcat tanben que i aviá una coregrafia!

    ResponElimina
  4. Maime: Tant Biscam pas coma Les souffleurs de Reves son mai nombroses.
    Biscam pas, son 4 (autboi, diableton, guitarra, percus)
    Les Souffleurs tanben son 4 (autboi, acordeon, tuba, percus).
    As los ligams cap als sists internet sus la colona de drecha.
    MFD dison los noms dels grops emai i siaguèsson pas totes, an rason, cal far de reclama :)

    La Jefa e Pomponeta: sexi, isn't it?

    ResponElimina
  5. Hey, Mèla, una precision : es lo quatren CD de Mauresca qu'es per sortir! (Aprèp Francament, Constèsta e Bartàs ! Ne fan de camin, los dròlles ...)

    Una anciana medoquiana que participèt activament a l'empofratge famos, unviersitat Pau Valery!

    Potons!

    ResponElimina
  6. Anonima empofraira: aaa, vertat! Es corregit , mercés :)))))

    ResponElimina
  7. Sas melà se me siau amusat a escampar de pofres es sonque per trapar lo bon biais d'o faire... Que dins la plaqueta de l'an que ven l'empofratge es pas encara au programma..
    Mai siau d'acordi amb tus (e la maire) èra colhon

    ResponElimina

Mercé :)