dimecres, 8 de setembre de 2010

Vacanças al Pallars: Mela fai d'espòrt e camina, zo mai.

La Marieta me voliá mostrar lo lac de Fillià e me diguèt "cal montar un vintenat de minutas  per i arribar ,pas de laguis. Enfin, primièr, i cal anar en autò, mas cal un tot terren". Telefonèt doncas a l'amicdelJeep "vòs venir amb nosautres e doncas nos i menar?". Oè, direct, i van pas per quatre camins los Catalans, mas aquò marcha, lo tipe nos i menèt :)
E vaquí cossí , pel primièr còp de ma vida, montèri dins una Jeep,  modèl primièra guèrra mondiala:
Una jeep de safari que te creses a Sijan entre lions e girafas. Tròp contenta. Enfin, i aviá pas de lions nimai de girafas mas de montanhas, de rècs e de floretas :)
E ben sabètz qué? La Jeep, aquò bolega e te fa un rambalh te disi pas, entre lo bruch e lo remenadís, as l'impression d'èsser dins una lavadoira.
E aprèp l'essoratge  1500 torns/min, urosa de ton experiéncia extrema en Jeep, te cal caminar
20 minutas de pujada? Tu parles charles! Tres quarts d'ora d'una còsta que n'acabava pas de montar...


Mas valiá lo còp...



JF càmbia Kangoo normala contra Kangoo 4x4 per anar dins la montanha amb sos amics Marieta e Lo Pèire de la Sauma :)

2 comentaris:

La Marieta ha dit...

Tant qu'aurem d'amics amb Jeep te cal pas una Kangoo 4x4!!!
As vist qu'era urós de nos menar a la montanha e nos mostrar las "arnes" (en oc?)de las abelhas campionas del mond!

Mela ha dit...

les arnes= los bornhons (parlas plan dels ostals de las abelhas?)
vertat , o aviái doblidat que passèrem dabans los bornhons de la mèl mai bona del mond!!!!
merda, ara, ai enveja de mèl.