divendres, 19 de novembre del 2010

Lo con es benlèu pas l'autre (2)

En Catalonha, descobriguèri los comuns de luxe. 
Los comuns que dintras dedins e as l'impression d'èstre dins la classa VIP del Titanic:

De miralhs, de causas high tech, e qué te sabi encara. Pas lo temps de tròp remirar qu'as de causas de faire de bon matin. E per far tas causas, vas directament a la pòrta, en te dire "tanta plaça per un solet cagador?" encadenat amb "es plan una idèa de catalan aquò!".
E la pòrta, la soleta, es barrada. Ocupada, segur. Normal es lo matin. La catalana (òc, èran los comuns per las dònas) tanben caga de bon matin.
Alara sortissi dels comuns e espèri defòra. M'agrada pas d'esperar dedins. Soi claustrofòba.
E espèri un momenton defòra.
E arriban doas catalans que vòlon far sos afars matinièrs dins los cagadors luxuoses. E m'agachan... la mena d'agach: "Ten? e de qué fa aquela d'aquí defòra?"
Ieu que compreni la comunicacion non-verbala en catalan, lor disi "Es ocupat".
"Ocupaaaaaaaaaaaat?!?!"
"Òc, ocupat." jos entendut "òc, ocupat conassa, akò vòl dire que quand vòs dubrir, la pòrta es barrada. E s'es barrada la pòrta, es perque i a quauqu'un dedins. Un pauc de bon sens, mèrda!"
S'agachan totas doas.
M'agachan a ieu.
E aquí as l'agach de la catalana que t'agacha a tu.
La catalana quand t'agacha, i a tot plen de pietat dins son agach. A de pietat per tu, perque siás pas catalana, e la catalana a d'empatia e se pensa "ai, pauròta, es pas catalana, a pas agut l'astre de nàisser dins aquela civilizacion de la lenga, del bon sens e del grand progrés tecnologic". La Catalana t'agacha coma l'Americana o agacha tot quand es a caminar dins un orfanelat (soi pas segura del mot) al fins fons d'Índia. Mas tu, o sabes pas que siás dins lo fosc condicionat per ton luòc de naissença.
E la catalana, generosa, te demanda "mas as butada la bona pòrta?". E tu aquí, siás pas colha, te dises que i a quicòm que truca. E l'agachas, l'uèlh plen d'ignorància, d'inocéncia e de "ieu tanben vòli pissar, sas".

La Catalana dintra.
E te ditz "cal butar fòrt, sas!"
E aquí la catalana, en plaça de butar la pòrta, te buta çò que semblava d'armaris:
Òc, las causas a drecha amb los botonets grises... aquò's de pòrtas.

11 comentaris:

  1. M'has fet pensar en una vella cançó catalana que deia:

    "Si voleu sentir pudor
    aneu al carrer major.
    Que el porc de l'apotecari
    s'ha cagat dins de l'armari"

    ResponElimina
  2. Ji, Ji, Ji...
    Sincerament, coneixia les Fashion Victims, però tu ets una Design Victim. Fent exercicis de retenció pel fet de no trobar la porta del caganer és digne de ser estudiat a les millors escoles d'interioristes.
    Si et serveix de consol a casa meua diuen, "Caga el rei, caga el papa, que de cagar ningú se n'escapa".
    ;) Fins aviat

    ResponElimina
  3. Un jorn faran de cagadors espatials , que se veirà dins l'uèlh , quala es la comission, prevista , e serà pas question de mentir.
    Un jorn dins lo metro , vejèri un tipe que preissava las escrovas de la pòrta automatica , per sortir.

    ResponElimina
  4. Ríser en legir las conariás de na Mèla es un bon biais de començar la setmana :)

    ResponElimina
  5. Quequejaire22/11/10 14:53

    Qu'ac sabí !!!!

    ResponElimina
  6. Quequejaire22/11/10 14:53

    Qu'ac sabí !!!!

    ResponElimina
  7. Deu èsser per aquò que vau rarament als comuns de las dònas: la sofisticacion tecnologica.

    ResponElimina
  8. Rarament ? Quò vòu dire que l'i vas daus còps... L'i ses convidat par 'na dama, espere... :-D

    ResponElimina
  9. E Melania, lo còp que ven vai te'n cagar a la vinha benlèu la trobaràs!
    E doblides pas de nos tornar...

    ResponElimina
  10. Maima: òc, mes d'un còp, ei que tròp soent me desbrembi d'espiar çò que i a indicat sus la pòrta e i vau a l'azard.

    ResponElimina
  11. Lo Monta Mametas: En mai d'aquò, avián pas de claus aquelas putas de cagadors!

    JdP= akò's una excusa de vièlh pervèrs alzeimer que ne profiècha per agachar las popas de las dònas.

    Androna: sí, sóc una "design victim", és totalment exacte! em passa molt sovint!!! Bé, i no parlo de quan he de tocar un Mac...

    ResponElimina

Mercé :)