Coma cada dimenge, mon Itunes me telecarga l'emission Meitat Chen Meitat Pòrc. Es una emission que me regali d'escotar, perque la tròbi populara e intelligenta, e aquò's malaisit de faire, vos o disi. Lo Joan Pau Verdier e lo Marçau Peyrouny fan una emission cada dimenge en directe amb d'entrevistas de mond plan interessants e capitan de trobar un bon bon equilibri entre la realitat dels ausidors de France Bleu Perigord e l'actualitat d'Occitània tota.
Me sembla qu'es la sola emission de ràdio en occitan qu'escoti sens m'emmaliciar, sens renar, sens faire "pfffffffffff", me regali, vaquí.
Uèi, avián Moussu T al telefòn. Putan, aqueste tip es genial.
L'avián al telefòn perque es la sortida de son darrièr disc, Home Sweet Home.
Me lo vau crompar aquesta setmana. Ausir un disc novèl de Moussu T, aquò te bota de bona umor, aquò te fa cuolejar, aquò te fa picar del pè, aquò te fa rire e sas pas perqué, e ieu aquò me balha enveja de faire l'amor. Moussu T, ne soi convençuda, es mandat per las fòrças escuras d'Occitània per faire bicar lo mond e tornar poblar lo país.
Dins 20 ans, dins las escòlas del país, aurem de pichòtas que se diràn "Marselha", "Polida", "Ciotat", "Serena" e de pichòts que se diràn "Tatou", "Eli", "Jovent", "Gabian".
 Peyrouny, Verdier amb lo Bruno Cecillon, a Rodés | Escotatz-la... Marçau a un rire de ièna en rut, Verdier a lo parlar mai polit d'Occitània (si, lo lengadocian de Peiregórd es dins lo tòp 3 dels parlars mai polits d'Occitània) e la musica es bona bona bona coma diriá Goldman. |
Me sembla qu'es la sola emission de ràdio en occitan qu'escoti sens m'emmaliciar, sens renar, sens faire "pfffffffffff", me regali, vaquí.
Uèi, avián Moussu T al telefòn. Putan, aqueste tip es genial.
L'avián al telefòn perque es la sortida de son darrièr disc, Home Sweet Home.
Me lo vau crompar aquesta setmana. Ausir un disc novèl de Moussu T, aquò te bota de bona umor, aquò te fa cuolejar, aquò te fa picar del pè, aquò te fa rire e sas pas perqué, e ieu aquò me balha enveja de faire l'amor. Moussu T, ne soi convençuda, es mandat per las fòrças escuras d'Occitània per faire bicar lo mond e tornar poblar lo país.
Dins 20 ans, dins las escòlas del país, aurem de pichòtas que se diràn "Marselha", "Polida", "Ciotat", "Serena" e de pichòts que se diràn "Tatou", "Eli", "Jovent", "Gabian".
Jo quan m'escoti "Ò que calor !" de Moussu T e lei Jovents, e ben, quitament s'èm au bèth miei d'un maishant ivernàs e que tòrra dehòra, e ben jo, que m'aubreishi la vitra de l'auto, qu'i pausi lo cobde, e que me n'arridi com un pepiòt en pensar au Moussu T en marcèl dab los pès hens l'aiga a la Ciotat... e los qui'm contrapassan en veitura que'm prenen per un hòu barluèc...
ResponElimina"Verdier a lo parlar lo mai polit d'Occitània"
ResponEliminaMancas curiosament d'objectivitat amb Joan Pau Verdièr... (nharf nharf)
E los pitits gabians cagaran sus la testa daus meschants ???? (ma mia tanben adòra Moussu T e lei Jovents... per son audicion de musica tradicionala a dich a son prof : vòle far de la musica tradicionala de la Ciutat... E juguet lo gabian a la sanfonha !!!!)
ResponEliminaBon, sei pas d'accòrd emb ton apreciacion dau parlar sarlades. Per parlar sarlades fau parlar lengadocian emb un accent lemosin... Es coma lo parlar lemosin-bas : qu'es dau lemosin emb l'accent lengadocian...
Lo pus brave parlar occitan per me, qu'es lo bearnes... Marilis Orionaa que...
Marilis Orionaa que parla lo bearnés dab ua punta d'accent negue : qu'ei deu parçan d'Ortès...
ResponEliminaQue soi d'acòrd dab Pasha, objectivament, lo mei beròi parlar qu'ei lo bearnés, mes lo deu men vilatge, lo de casa. Tots los deu men vilatge que t'ac diseràn. Los deus vilatges vesins tanben, que t'ac diseràn : "lo men beròi parlar, qu'ei lo bearnés deu men vilatge". Qu'èm tots d'acòrd...