dissabte, 18 d’octubre del 2008

un divendres de ser dins mon lièch

Ier de ser, tota sola dins mon lièch, aprèp aver trantalhat entre dormir e pas res faire, veguèri Lo Perfum, istòria d'un murtrièr.
Lo libre, lo legiguèri fa d'annadas e me'n soveniái pas gaire, n'aviái un bon sovenir mas sens gaire detalhs.
Me regalèri de veire lo film e de tornar descrubir l'istòria en me dire qu'es pas un libre de bon adaptar al cinèma e tota la primièra partida es fòrça polida e plan capitada. Quand Grenouille es a descubrir lo mond, i a tot plen d'erostisme, d'imatges polits, de movement de camera o de zoom que nos fan capir çò que se passa dins lo nas e lo cap de l'eròi. Es quand meme un pauc longuet lo film, e la darrièra mièja-ora, n'aviái mon confle...





Coneissiái pas l'actor, Ben Wishaw...
Sai pas perque, èri demorada amb l'imatge que Grenouille èra laidàs. E aqueste actor, es pas laid, es pas polit tanpauc, es un pauc estranh, finala... Trobatz pas qu'a un pichòt aire de Gollum?





En tot cas, un film de bon veire un divendres de ser tota sola dins mon lièch.

4 comentaris:

  1. L'istòria es interessanta (estranha tanben mas bon…) mas foguèri plan decebuda per la fin ! Que la vau pas contar… plan segur, per los autres ! ;)

    ResponElimina
  2. N'èi pas tròp l'escadença de'm trobar tot solet dens mon lheit lo divendres sèr, mès autanlèu qu'aquò m'arriba, que'm prometi de véder lo clòne de Gollum minjar graulhas (soi pas segur d'ac aver tot comprés). Sustot a causa de l'erostisme, que m'interessa plan, aquò. Que'm te cau díser lo mond deus rostits non m'ei pas guaire familièr, soi meslèu vegetarian (pas enqüèra completament, totun).
    Quant a la darrèra mieja-òra, cap de problèma : m'estonaré qu'arribèssi dinc aquí , generaument que'm hiqui a arroncar ben abans quan e soi a (sajar de) véder un film (quin que sia) au lheit...

    ResponElimina
  3. Joan, un mièg-vegetarian coma ieu ! :)

    ResponElimina
  4. Non l'èi pas vist aqueth filme.
    Mes tuar gojatas entà har un perhum qui sent a la peu rossa, b'ei totun estranh !

    ResponElimina

Mercé :)