diumenge, 4 d’octubre del 2009

Retorn de balèti

Son 3h20.
Tòrni del Clapàs que i aviá un balèti de Castanha e Vinovèl.
Ai passat una bona serada, fasiá moment qu'aviái pas dançat e m'a fach de ben de me desrovilhar e de bramar un pauc.

Castanha e Vinovèl es una pichona formacion simpatica vièla de ròda / acordeon per far dançar lo mond e passar un bon moment, dins la dralha de l'Art à Tatouille mas en balèti, qué. Me faguèron un branle dau rat, èri contenta. Lo branle dau rat es a la dança çò que soi al rafinament, alara pensatz plan, aquò m'agrada bravament.


Anatz escotar la cançon Castanha e Vinovèl sul myspace del grop.
Lor agradariá de trobar una frasa per jogar amb los mots "castanha e vinovèl" , una frasa un pauc coquinassa... S'avètz d'idèas, daissatz-las dins los comentaris, lor farai passar.

1 comentari:

  1. Tu, ères al balèti e ieu a la quina (la sola que me cal endurar dins l'annada, urosament)... Fan cagar, las quinas. Pas cap de branle del rat, res. E ai mème pas ganhat lo cambajon...

    ResponElimina

Mercé :)