diumenge, 12 de setembre del 2010

Mela passeja: ccnbt 1, Possan

La Comunautat de Comuna del Nòrd del Bassin de Taur (CCNBT) a fargat de papafards d'escorreguda a pè o en bicicleta. En tot, son 7 passejadas de prepausadas, totas de nivèl aisit, de far en familha amb lo chin. ben ieu, coma aquò's pas luènh de l'ostal, ai decidit de ne far una per dimenjada, e coma soi una dròlla organizada limit psicorigida, ma tecnica es d'anar de la mai corta a la mai longa. . Dimenge passat, faguèri la primièra: 6,5km que se ditz "passejada sus la via domitia" sus la comuna de Possan.


Seguiguèri las indicas del papafard de l'ofici de torism, parguèri l'autò dabans l'ostal de la comuna e fai tirar marius. Cal caminar un pauc dins lo vilatge, i a pas d'indicas dins lo vilatge doncas cal plan seguir lo papièr de la ccnbt. Puèi sortisses del vilatge per un caminòl de tèrra qu'es lo cagador dels chins possaneses, mas lo panorama es agradiu :)

Puèi caminas sus una rota quitranada desèrt e endralhas un caminòl:
Una passejada que demorarà pas dins las memòrias mas que faguèt de ben :)


...amb  lo plaser del mes de setembre: raubar lo grapilhon doblidat sus la vinha

1 comentari:

  1. ccnbt1 : La poesia es pertot quitament suls papafars oficials… ne i a qu'an cantat las vocalas (non, es pas Joan de la Font); ne i a que fan petar las consonantas :ce ce èna be te.
    Se pòt tanben "declinar" : ça ça ana ba ta ; ci ci ina bi ti ; çu çu una bu tu, etc.
    Dins l'afabet i a de consonantas e dins l'Administracion de cons sonants a creire…

    ResponElimina

Mercé :)