diumenge, 29 de maig de 2011

Ofèrta d'emplec

que prepararetz lo disnar, que netejaretz las taulas aprèp lo disnar, que torcaretz lo cuol das pichons de la guarderia aprèp disnar, que los botaretz al penequet, profecharetz que los dròlles dormisson per far la comptabilitat, vos ocuparetz del corrièr entrant e prepararetz lo corrièr de mandar, cambiaretz los lençòls de l'Enzonet qu'a racat perque li agrada pas la garbura qu'avètz preparada per disnar, vos lavaretz plan las mans e vos ocuparetz del sit internet de l'associacion, legiretz una istòria als enfants en cambiant de dialècte cada jorn, marcaretz dins lo jornal de la guarderia çò qu'a fach cada dròlle, explicaretz als parents venguts quèrre lor dròlle cossí a passada la jornada. Quand totes los dròlles seràn partits, netejaretz la guarderia, faretz plan los lièchs, recaptaretz los jòcs e tot lo rambalh. Elaboraretz lo menut de la setmana seguenta, l'estamparetz e l'aficharetz a la dintrada de la guarderia. Quand partiretz, doblidaretz pas d'atudar lo lum.


Formacion requesida:
- BAFA
- DUT Dietetica e equilibri alimentari
- BEP Petitenfance
- Bac Pro Secretariat - Comptabilitat
- Interès per la lenga e la cultura occitanas o volontat de se formar.

Salari:
- Quin salari ???

4 comentaris:

Quequejaire ha dit...

Que i ei mercat "remun 9"

oldtown_93 ha dit...

Perdona que t'escrigui en català, però encara no sé occità. L'any que ve, si tot va bé, el començaré a estudiar. He llegit forces entrades del teu bloc i l'he trobat força interessant, m'ha agradat molt. Et segueixo!

Laurenç ha dit...

...E diretz pas de non al director qu'es un pauc potonejaire, pecaire, que sa femna (l'anciana secretaria) a demissionat fa pas gaire.

Mela ha dit...

Quequejaire: t'o explicarai un jorn.

Laurença: malpensat!

Oldtown_93: Gràcies per passar-te per aquí i benvingut!