dimarts, 31 de gener del 2012

Cuolejar disco

Mon Caulet Sucrat qu'a decidit de m'ensenhar tot plen de lengas d'un biais ludic me manda aquesta vidèo per me far encapar cossí se ditz "un, dos, tres quatre" en finés.




Petada de rire en veire lo morre del tipe. Es allucinant, an totes la meteissa cara los Finlandeses. E la mostacha e lo tricòt... sabi pas de quina epòca es, de las annadas setanta? d'ara? De tot biais, lo finlandés es intemporal.
Primièr movement : un pauc sexual aquel anar-venir, non? Se prendriá pel sexy Michel Teló lo tipe?  Un pauc regde dels ronhons, diriái. Bica pas a la brasilièra lo primièr nordista que passa, òu!
Puèi arriba lo plan sus las sabatas. Lo tipe tot pròpre sus el, tot de blanc vestit e las sabatas? E ben las deguèt raubar a un docker sul pòrt.
Çò melhor de la vidèo es aquela mena de moonwalk de revèrs que fa tot solet a 3'15 sus una cançon disco cantada pel Còr de l'Armada Roja.

E vos parli pas de la femna, perque es pas polit de se trufar del mond.

Yksi, Kaksi, Kolme, Neljä

M'a botada de bona umor per la jornada!



4 comentaris:

  1. Quequejaire31/1/12 8:56

    Lo "moon walk" endavant : be diserem un guiròu !

    La hemna, o quin s'armar de tot lo seriosèr deu monde quan vam estar ridicules a la tele.
    Tarrible. Òsca Finlàndia !

    ResponElimina
  2. De tot biais, aquò's completament teoric. Dins la discotecas Finlandesas, tot lo monde es bandat a meijanuech, e Mostacha coma los autres.

    ResponElimina
  3. nolla zèro
    yksi un
    kaksi dos
    kolme tres
    neljä quatre
    viisi cinc
    kuusi sièis
    seitsemän sèt
    kahdeksan uèch
    yhdeksän nòu
    kymmenen dètz

    yksitoista onze
    kaksitoista dotze
    kolmetoista tretze
    neljätoista quatòrze
    viisitoista quinze
    kuusitoista setze
    seitsemäntoista dètz e sèt
    kahdeksantoista dètz e uèch
    yhdeksäntoista dètz e nau
    kaksikymmentä vint

    kaksikymmentä vint
    kolmekymmentä trenta
    neljäkymmentä quaranta
    viisikymmentä cinquanta
    kuusikymmentä sieissanta
    seitsemänkymmentä setanta
    kahdeksankymmentä ueitanta
    yhdeksänkymmentä nonanta
    sata(pl. sataa) cent
    tuhat(pl. tuhatta) milla
    miljoona(pl. miljoonaa) un milion
    miljardi(pl. miljardia) un miliard


    Te cal fargar un lexic finés-occ.

    ResponElimina
  4. Gràcies per als números en la llengua d'occità!

    El Åke Blomqvist naixia el 1925. M'estava ensenyant a ballar quan tenia 12 anys. Alaras, quan?

    Ha ensenyat dansa des dels anys 1940.
    Amb la muller jova des dels anys 1970 i ara la filla Clara té l'escola de dansa.

    La raó per la qual començava aprendre ballar:
    s'havia adonat que els nois que ballen bé aconsegueixin les noies més boniques!

    Bisou!

    ResponElimina

Mercé :)