dilluns, 26 de novembre de 2012

Dintre de mon ipòd 2

Aprèp aver descubèrt lo plaser d'escotar Joan de la Fontaine amb sas faulas, anèri a la mediatèca per trobar d'audiobooks (aquò s'apèla coma aquò) en occitan.


Metèri dins mon ipòd la Messa pels pòrcs de l'Ives Roqueta. La musica m'agrada pas gaire... mas òm s'i acostuma. Es mai que mai l'escasença de descubrir lo tèxt! 



D'escotar aquí: 


 ligam dirècte

Vaquí lo primièr poèma del recuèlh


Intrada  

Dintrarai quauque jorn dins mon cap, 
 tot sol, 
la mitralheta al ponh, 
 e sabi 
qu'al contorn de quauqua circonvolucion 
cerebrala  
se pòt pas que te trapèssi pas a tu 
coma siás dempuèi la debuta,  
nuda, despenchenada, blanca, 
 cambras dubèrtas a ma set, 
 puta o país, 
 e mòrta.


Podètz crompar lo libre en cò de Letras d'Oc! Per çò qu'es del CD, sabi pas! :)



2 comentaris:

Mirelha ha dit...

Siás dins un periòd de "descobèrta roquetiana" ? Fas plan ! Ara, compreni pas perqué son "Letras d'òc" que tornan sortir tot aquò. E mai se ai pa res contra eles !

Patricia ha dit...

Èra jove quand enregistrèt aquò !