Dissabte a Figueres amb la Jefa e Pomponeta, dinnèrem de grasilhadas que mangèrem amb los dets que nos donèron pas de forquetas solament.
Puèi partiguèrem cap al Musèu Dalí...
Lo trobèrem lèu lèu perque sèm subreintelligentas e, mai que mai, es plan indicat...
Mas, t'i aviá una coassa davant aquel musèu!!!
Eriam coma tres gallinas davant d'un cotèl! Qué faire?
Innocentarassas, pensaviam que i auriá pas un paure cat a aquel musèu. E ben i aviá una coa de dos-cents mètres!
Alara, d'un comun acòrd, decidiguèrem que nani, anaviam pas far aquela coassa e que tornariam un autre jorn.
Quina frustracion! Quina decepcion!
An pas d'ostal lo mond?
Alara, per me desfrustrar, faguèri de fòtos per las carrièras de Figueres o de cossí la ciutat viu a l'entorn de e mercés al pintre...
A l'ostal, Google me diguèt que lo Musèu Dalí de Figueres es lo tresen musèu mai visitat de Catalonha aprèp lo musèu del Barça e lo musèu Picasso, totes dos a Barcelona, tot s'explica
E ben languissi d'i tornar!
E per la casa Dali a Port LLigat, te cal reservar per internet qualques jorns abans d'i anar, aital, i a pas de coa, mas quand o sabes pas, coma ieu, te dises que i te caldrà tornar...
ResponEliminaChristelle