dimarts, 11 de desembre del 2012

Cronicas de Jerusalèm

Me soi regalada de legir Chroniques de Jerusalem de Guy Delisle, una benda dessenhada rebat de son sejorn d'un an en Israèl. Que siaguessiatz pels uns, pels autres o se comprenètz pas res al conflicte israelo-palestinian, es de legir. Capita de presentar tota la diversitat de l'absurditat de la vida de cada jorn d'aquel pichòt endrech tan complicat...
E la lectura ne nos apren de causas!

Quand aurai aprés l'arab e l'ebreu, i anarai :)

Diaporama de la BD


3 comentaris:

  1. aqueste òme que seguís sa femna que partís en mission, a fach parièr per Birmania.

    la vida vidanta per s' avisar de tot.

    ResponElimina
  2. E ben, drolleta,a ieu m'a pas tròp agradat… Comprèri lo blibre complèt que pareguèt en cò de Shampooing en 2011 e soi estat decebut.
    De segur n'aprenèm de causas mas es un pauc longanha… de legir e d'agachar aquelas 334 paginas…
    En mai d'aquò, per ieu que soi en general pas avar sul prètz dels libres (que còste un centenat d'euros me fa pas paur quand aimi!), aqueste que còsta 25,50 euros es tot fendasclat après la lectura, las paginas "escavadas" (cf. Narioo)tenon pas religadase quand la pega serà seca, aurai un detzenant de libres !

    ResponElimina
  3. La Jefa : las ai pas legidas sas Cronicas Birmanas, mas se las tròbi, o farai

    Anonim: a ben ieu me semblèt pas longanha! Per çò qu'es del prètz e de la qualitat, te compreni! Mas bon, pòdi pas res dire que per ara, tot ven de la mediatèca.. :)
    25€ per un detzenat de libres, fin finala es pas car! :P

    ResponElimina

Mercé :)