dissabte, 25 de març del 2006

Especiala dedicaça, private joke mas pas del tot ...


L'amor de lonh, es pas un dakòs de l'atge mejan..
Soi pas brica l'autora de la fòto, encara mens del tag. Se los autors vòlon s'identificar, o pòdon faire, se vòlon que leve la fòto, o cal dire tanben :)
Es la dòna aimada que me la faguèt passar.
Ai pas de fans coma aquò ieu!!

Bon, me'n vau plorar dins mon canton...

2 comentaris:

  1. Un preséncia sociala de l'occitan sus las parets! Me fas remenbrar aquelas fotòs de las annadas 70, quand nòstres paires publicavan de paperum e menjavan de castanhas al caire del fuòc tot parlant de la colonizacion economica del miègjorn.
    Avián decidit d'aver rason.

    ResponElimina
  2. Per lo mond qu'aiman la poesia...
    E per esclairar la referéncia de l'Anonim:


    Despolhats de tot, e mai dau nom nòstre
    tot çò nòstre perdut
    tot contra nautri justificat
    Creson que la terra es a-n-aqueli que la viòlan.
    Tròp d'espera a enganat l'espèr
    degalhat tot çò que demòra
    mai li montanhas restan drechas.
    Desliurats de nòstri darrièri pelhas,
    e receptius l'esperit macat,
    siàm venguts fòrts de nòstra misèra
    nus e gigants.
    L'esclau liparà pas pus la man dau mèstre
    pr'amor que i a pas pus d'esclaus !
    Venèm de nàisser,
    de la man d'ailà de toti li vielhi paurs
    e di vielhs silencis,
    òmes revòutats
    es-a-dire
    òmes
    Ren que compte
    de si promessas e de sis amenaças
    de sa poissança d'aur, d'armas e de mits
    ren que vaugue
    contra lis òmes de mans nusas
    puèi que
    avèm decidit d'aver rason.

    Roland Pecout.


    Me soveni pas de l'annada, que l'ai agantat sus internet puèi que capiti pas de trobar mon antologia de las annadas 70 de Maria Rouanet (me soveni quitament pas del títol original, quina vergonha!!!! )

    ResponElimina

Mercé :)