dimecres, 22 de març del 2006

fariái melhor de demorar al meu ostal...

Dissabte passat, anèri dançar!
Enfin, normalament.
Perque finalament, demorèri a escotar la musica mai que mai. Èra un grop de museta, amb un "jaz" , sabètz , aqueste batariá un pauc especiala que i a(viá) dins los ensembles de museta... (una fòto? aquí)... D'escotar dins la radio blòg :-) Mercés Mela :-P

Los musicians èran plan bons. Alara , escotavi.
I aviá una femna d'assetada a costat.

Borrèia.
Dançi pas mas soi en plen dedins.

La femna d'a costat m'agacha amb l'agach d'un canhòt de la SPA... E me fa "la volètz pas dançar amb ieu". Li disi qu'a 2 non. Es pas ma fauta, la borrèia m'agrada sonque s'es de 4 personas, es coma aquó. Doncas "aimi melhor la de 4, la de 2 m'agrada pas".
Argument de la blonda (òc, èra blonda. Mas nooooooooon, soi pas marrida lenga! ) : "mas tot se jòga dins l'agach".
Ben, "justament, es melhor amb un òme"
e aquí
frasa killaira:
"Oh, vous savez, au point où on en est"....




E la serada començava .....

2 comentaris:

  1. Pobrecita !!
    E coma la serada a 'chabada coma la blonda ? A 'ribada a dançar coma tu ?
    Comprene 'quela blonda, emb pes e chauçetas coma las teunes, òm pòt pas te resistar !
    Potons de Limòtges !

    ResponElimina
  2. lOl
    çò mai risolièr es qu'ela aviá de cauçaduras e de cauçetas que valián la fòto: solièrs negres vernissats e de cauçetas blancas, un kikòm que te balha lo vòmit!!!

    Finalament , dancèrem una escotisha... Vergonha sus ma personeta...

    :-P

    ResponElimina

Mercé :)