dimecres, 29 de març de 2006

Dimars: danças!

Cada dimars, vau a KaursKpitala, a la MJC, per dançar.
O melhor dich per aprene a dançar.
Non, per ensajar d'aprene a dançar.



E finalament, i arribi.
Bon la mazurka, non. Mas lo demai, òc. Soi pas ridicula del tot, que....

Aimi d'i anar. Lo professor Joan Luc es un amor, lo grop es plan simpatic e la mitat parlan occitan! Lo dimars de ser fa partida de tot aquò que vòli pas daissar...


Uèi al programa i aviá los Sèts Sauts biarneses.
La musica, saique la coneissi!!!!
Jogada pel Dalfin...
Mas los passes...
Los passes...
Avança, vira, recuola, un pè, l'autre (urosament n'avèm sonque un parelh...), vira, merda, èra dins l'autre sens, ops , un pas de retard, zo, òm tòrna començar....

Bon, ara es oficial:

I ARRIBI

SABI FAIRE LOS SETS SAUTS






enfin, quasi.....




1 saut, 2 sauts, 3 sauts, 4 sauts, 5 sauts, 6 sauts, 7 saaaaaaaaauts,








Lou Dalfin - Sèt Sauts

dimarts, 28 de març de 2006

lagremas

Lo matin quand me desrevelhi, demòri totjorn de temps colcada a soscar.

Aqueste matin, blues...

Me botèri a pensar qu'anavi pas demorar dins aqueste país l'an que ven, que seriái mutada sai pas ont.

Aimi lo mond d'aquí.
Fòrça.
Tròp.



Eles tanben m'aiman. Quand veni pas a quicòm, m'apèlan per demandar de qué i a , se soi malauta, se i a un problema o que que siá. Aquò me pertòca.
Fòrça.

De còps que i a, per me protegir, i vau pas, refusi las invitacions o las activitats. E eles m'apelan. I son totes e se demandan ont soi. Pensan a ieu.

Soi pas acostumada benlèu.

Aquò me fa mal.

Que fau partida de sa vida. Fan partida de la meuna.


Vòli pas partir.
Pas ara.
Pas encara.

Qu'es aquò?

Sabi que lo mond que legisson aqueste blog son de mond cultivats , intelligents, e tot plen de causas ( non, vos vau pas demandar de me donar de sòus).

Es que quauqu'qun me poiriá explicar çò que i a sus la foto:



Perqué i a un pèirassa???
Per equilibrar? Pertant , lo pal teniá plan...
Alara??

Fedas...

En Provença, i a d'èrbas...



L'ataca dels clons

La prima es aquí :-)

Plòu
Fa solelh
Plòu
Fa solelh
Plòu
Fa solelh

E lo país tòrna prene aquesta polida color....

Fòto presa quand fasiái la siesta
e me diguèri "tè es polit l'arbre"
(es per explicar l'angle...)







Fòtos presas Dimenge lo 26 de Març pendent una passejada a l'entorn de Deganhazès.

Arma de Destruccion Massiva made in Lavercantièra


Òc es una ginèsta, sonque una ginèsta. Mas la ginèsta entre Lavercantièra e Deganhazès pica que non sai. La toquèri e KrO riguèt un brave brieu...
Conclusion : la ginèsta d'aqueste país: la cal pas tocar e CAL PAS TOMBAR DEDINS....

dilluns, 27 de març de 2006

pès e patas dins la fanga....


Soi la pata blanca (ne dobtatz?), lo pè marron es de KrO...
Lo demai es pas encara fichat....

espiritualitat

Dimenge, en me passejant amb KrO, trobèrem aquò al mitan del non-res...

Qu'es aquò, qu'es aquò???







Responsa en imatge:





Comprenetz plan qu'akò èra plan urgent de faire davalar lo nivel d'aqueste blog.
Finalament, es encara e totjorn un blog plen d'espiritualitat, qu'o cal dire, es aquí dedins que soscam mai...



Meti kikòm mai en linha lèu???

La Santa Verge, la crotz, lo camin de crotz e ieu e ieu e ieu

Per contunhar dins la religiositat d'aqueste blog:



Urosament , ièr ai presas de fotos per tornar baissar lo nivel del blog que vos caldriá pas creire que viri espirituala. Non non e non. Ai pas tampauc crompat de neurònas al mercat de Gordon. Cal pas desconar tampauc...



autoretrach..

Autoretrach

diumenge, 26 de març de 2006

micro-ondas (2)

fòtos presas dins Tarn, al mes de novembre de 2005



La catedrala d'Albi



Capelòta de me soveni pas quin vilatge...


Vòli pas dire, mas aqueste blog vira religiós, non?
lol









A Còrdas...
òc sabi plan que i a decausas mai tipicas a Còrdas
mas es mon blòg e fau çò que vòli :-))))

micro-ondas

Tièra de fòtos trobadas dins un dorsièr vièlh...
Foguèron presas al mes d'octòbre de 2005 (me sembla...)




Pont Valandre de Caurs



Pont Valandre de Caurs (soi pas segura del nom)


Rocamador ( sens Mariam)



Ostal de Collonges la Rouge


Ostalàs de Collonges-la Rouge


Ostalet de Collonges-la Rouge



Travelling...
Fòto de Corresa presa dempuèi la veitura...

Verge.... sens comentari :-P


Santa Verge d'un carrieron de Brivas...

dissabte, 25 de març de 2006

natura

Kò's un lillac... Sens trucatge...





Vos aviái dich que fariái de fòtos amb de pròvas de la prima. Fau çò que pòdi, òu.
Semblariá que siaguèsse una mimòsa un pauc particulara made in Montgestí...
Aviái fach una foto d'un grelh, d'un borron,
mas la mesa al punt se faguèt sul camin alara lo grelhon es tot trebol...



Dins la tièra de mas incompeténcias, sabi pas cantar, sabi pas dessenhar, cal apondre "nula en fotografia".


N'i a encara que lor demòra un pauc d'esper en ma personeta????

Especiala dedicaça, private joke mas pas del tot ...


L'amor de lonh, es pas un dakòs de l'atge mejan..
Soi pas brica l'autora de la fòto, encara mens del tag. Se los autors vòlon s'identificar, o pòdon faire, se vòlon que leve la fòto, o cal dire tanben :)
Es la dòna aimada que me la faguèt passar.
Ai pas de fans coma aquò ieu!!

Bon, me'n vau plorar dins mon canton...

Talhaaaaaada

Dimecres, en formacion, aviam un professor que nos parlèt del cant, de l'utilizacion del cant en classa e tot aquò.
Alara ieu ai un problemàs... Sabi pas cantar, es afrós, la topina de ma grand la bòrnha es melhora que ieu... Pasmens, ensagi. Mas non. Es un pauc coma l'espòrt al collègi, sus mon butlletin marcavan "D'esfòrçes, volontària, mas non, resultas insufisentas" . De saber pas cantar, aquò me fa plan mai cagar que non pas de córrer tan lèu coma l''eiriç k traversa la rota.... Es lo desesper de ma vida.
Puèi , en cors, kò m'agrada de far cantar los pichons!
Alara, coma soi una filha plena de ressorgas d'idèas e autras causas plan utilas, fau de causas facilas, que pòdi arribar eventualament a cantar, e ai TOTJORN l'enregistrament sus CD se per càs...
Conclusion: mos pichons cantan. Es quand meme la tòca non?, anam pas faire lo remake dels Coristas version Nadau , alara...
Expliqui aquò al professor formator - mos collègas o sabián ja, l'an plan remarcat...
E, el , brave que brave, me vòl far comprene qu'es pas grèu, genre implicitament "deves aver d'autras qualitats" e dona l'exemple d'una collega seuna qu'es subrebona en dessenh, qu'o explicava tot en dessenhant al tablèu, e contunha coma aquò dins un lirism que me voliá convéncer...
Quand acabèt:
"Mas, sabi pas dessenhar tampauc"

Mon cas es perdut emai desesperat o l'invèrs.










Per contunhar dins la tièra, lo mond m'aiman e me vòlon pas far de mal:


Kò m'aprendrà a aceptar los messatges dels desconeguts... .
Kò m'aprendrà a perdre mon temps sus la messatjariá instantanèa...
Lo còp que ven disi entrainaira d'atletism. Es decidit.

(pudis)(santa) Verge*

Sus las pubs que i a a drecha, cliquèri ièr sus un daquòs d'oroscòp. Mas noooooooon, i cresi pas. Mas, bon, soi una femna, alara l'agachi, "se per cas". Me soveni pas de que me diguèron ièr, pasmens uèi:

Vous serez nombreux à profiter de ce samedi pour effectuer un nettoyage par le vide ; et ce sera une bonne idée car vous avez tendance à accumuler ! Quand ce ne sont pas des documents dont vous n'avez plus besoin ou des journaux, vous conservez parfois des vêtements hors d'usage et que vous ne mettrez plus jamais ; ou des objets qui ne fonctionnent même plus. Et ne les donnez pas à des associations caritatives, elles n'en auront pas plus l'utilité que vous !

Ben es pas verai, perque uèi aurai pas lo temps.

Aquò dich, ièr escampèri l'esponga de l'aiguièra de la cosina que pudissía qu'embocanava.
Es passionanta ma vida, pas la pena de m'o dire, o sabi plan...
Tròç d'intimitant per mostrar que, finalament, se son pas enganats del tot... Se son sonque enganats d'un jorn.

E tròbi que lo conselh de pas res donar a las associacions caritativas es una brava vergonhassa. Mas bon, rasseguratz-vos: i a pas gaire de mond que clican sus la publicitat de l'oroscòp... e la soleta qu'o fa neteja pas, alara sèm sauvats!


E, rai, de qu'aurián fach aqueste paure monde d'una esponga que pudissía lo toat???








*per lo títol, sabi plan que "pudissanta" se ditz pas, que se ditz pudenta, mas, per un còp, me perdonaretz....
Puèi aprèp tot, fau çò que vòli, es mon blog :-PPPP

divendres, 24 de març de 2006

fòtos de dimenge passat







Fòtos presas pendent una passejada sus la comuna de Montgesti

enrabiada

Coma cada jorn, aqueste matin, en me levant-pissant-alucant l'ordenador (l'òrdre entre la 2nda e la 3ena causa càmbia segon los jorns, la rotina, es çò pièger....), soi anada veire lo pòst novèl de Ron, lo d'uèi parla de sas annadas biactol. Aimi fòrça çò qu'escriu Ron , son umor, sa sensibilitat, sa vida, que li arriba totjorn tot plen de causas...

I sètz? L'avètz legit?

Aqueste matin, legir Ron me metèt dins una colerassa .
Una colerassa contra l'omofòb de servici que te pòt destrusir un minòt, una persona
Mas subretot una colerassa contra lo silenci dels autres. Perque disián pas res? Perque n'i a pas un que gausa prene la paraula dins aquestes cases?





Matinada rondinaira doncas.
Uèi, lo primièr que ditz un mot contra un minòt, morflarà! Sètz prevenguts.










Bon, vau anar veire los blogs de Maester, o de Doble P, o de la Santa Teresa, o de Fortu, o del pinguin finlandés o... ò mila dieus, ai tròp de sits arquivats sus mon navegador... mas al mens me metràn de melhora umor :-)


Nota Bene per mai tard: netejar lo marca-paginas de mon Guèinon favorit...
Nota Bene per quand soi en colèra: escotar Moussu T ( dins la radio blog per quauques jorns)



dijous, 23 de març de 2006

Camins













Fòtos presas pendent una passejada sus la comuna de Mongestí

dimecres, 22 de març de 2006

fariái melhor de demorar al meu ostal...

Dissabte passat, anèri dançar!
Enfin, normalament.
Perque finalament, demorèri a escotar la musica mai que mai. Èra un grop de museta, amb un "jaz" , sabètz , aqueste batariá un pauc especiala que i a(viá) dins los ensembles de museta... (una fòto? aquí)... D'escotar dins la radio blòg :-) Mercés Mela :-P

Los musicians èran plan bons. Alara , escotavi.
I aviá una femna d'assetada a costat.

Borrèia.
Dançi pas mas soi en plen dedins.

La femna d'a costat m'agacha amb l'agach d'un canhòt de la SPA... E me fa "la volètz pas dançar amb ieu". Li disi qu'a 2 non. Es pas ma fauta, la borrèia m'agrada sonque s'es de 4 personas, es coma aquó. Doncas "aimi melhor la de 4, la de 2 m'agrada pas".
Argument de la blonda (òc, èra blonda. Mas nooooooooon, soi pas marrida lenga! ) : "mas tot se jòga dins l'agach".
Ben, "justament, es melhor amb un òme"
e aquí
frasa killaira:
"Oh, vous savez, au point où on en est"....




E la serada començava .....

dimarts, 21 de març de 2006

Mos pès ... fasiá longtemps!

Uèi, soi pas la soleta protagonista, avèm una convidada: KrO , qu'es una polida bruneta e pas una cervesa...
En italic, los títols de las fòtos, perque cal donar de títols a las òbras d'art...



Amis pour la vie!






Kò's KrO, mas òm se'n dobtava un pauc....










Auton






Cauçeta
Polidas pèiras, non?








Rasiga estranha.... Mas lo pè de KrO es normal...







Canton
Ben òc, ensagi de variar la presa de fòtos dels pès...
Aquesta m'agrada fòrça...




dilluns, 20 de març de 2006

Art




Font Carcinòla
Carcinal Foutain
Fontaine quercynoise

diumenge, 19 de març de 2006

video animada

Anatz veire quicòm per aquí...






La musica la coneissètz segurament, los imatges vos susprendràn, aquò's segur.

Ai pas la téle, o sabètz totes.
Pasmens, soi f-a-n dels Simpsons.
Es coma aquò.
Pòdi agachar 50 episòdis seguits sens m'alassar.

Perque?
Mai que mai, perque, los Simpsons me fan rire.

Alara, plan segur, coneguèsse de mond coma aquò dins la vida vidanta, los poiriá pas suportar!!! Quitament pas en pintura....

Mas los Simpsons me fan rire, totes. Homer, Moe, Marge, Bart, Maggie, Liza, la smala Flanders, lo policièr, l'indian del Supermarket24h, TOTES!
Alara perqué me fan rire los Simpsons?
Perque 1- soi bon public. 2- es una plan bona critica de nòstra societat. E escrivi plan: "nòstra".
E las replicas venon totas de replicas classicas.

Ai pas jamai agachat los Simpsons en VO, a quin malur!! Los ai totjorn vists en espanhòl.
En Espanha, passa cada jorn a 14h10 sus Antena 3.
Me mancan. Fau partida de sa familha un pauc a Marge e Homer. Marge es un pauc ma tanta... bon arreste que m'anatz enviar a una residéncia de calucs...



Ai l'ase aquò rai, mas se n'i a que me vòlon faire de presents, es per aquí....


:-P

dissabte, 18 de març de 2006

los piratas tròban totjorn lo tresòr




A l'asard dels telecargaments de mon ase, arribèt sus mon disc dur una pichona meravilha: lo primièr album del Sénher SATURNINO

Saturnino es un bassista italian.

E dels bons

Vos daissi escotar e apreciar






Saturnino - Testa di basso






Saturnino - Problemi di parcheggio







Saturnino - 153 Battute







TRAS QUE BON!!
Non???



Lo sit oficial: saturnino.org







Se volètz crompar , es aquí. Ai pas brica de beneficis, es per vos evitar de cercar... Soi braveta, e?

O mon país

Ai passada ma vida tota sus la còsta mediterraneana.









L’educ Nat me mandèt dins Òlt. N’èri tota urosa.
Pichona, passavi mas vacanças dins Roergue, alara, aquò me fasiá plan plaser.



Òlt.

Es pròche de tot plen de vilas que per ieu , de costuma, son luèèèèèènh… : Briva, Orlhac, Tolosa, Sarlat, Perigueux, e quitament Peitieus, Bordèu o Clarmont d’Auvernha…


Ara, QUID?

Perqué quand soi aMontpelhièr la tièra de las vilas prochas es pas tant longa?


Alara, Melania sosca.

E tròba:

Perque dins Òlt, sèm redolats de terra, e quina que siá la direccion que prenèm (nòrd sud est oèst), i aurà mai o mens luenh una vila.


E a Montpelhièr, ben i a tot una mitat de la bossòla qu’es los pès dins l’aiga.

Es per aquò que dins Òlt “Tot es a costat”

Revelacion.







La prima arriba.

Dijòus un solelhàs.



E me trachèri dijòus lo 16 de Març que, dins Carcin, i aviá pas la mar.



Me’n èri pas jamai trachada.

Mèrda.


Los collègas ensagèron de me consolar, sembla que dins Dordonha òm se pòt banhar…

Rai

Pasmens





Es lo primièr còp que la mar me manca...

o que me trachi de la manca de preséncia de la mar.

divendres, 17 de març de 2006

blogus pas encara sapiens



Avètz remarcat qu’ensagi de faire evoluir aqueste blog.

I aguèt un problèma que mandèt tot dins lo trauc negre de la blogosfera mas ai capitat d’o remetre quasi tot.
E uèi lo blog èra pas brica accessible, pfff, pensi que vau faire SAnt Miquel!


Avètz escotat la musica? Ensajarai de ne metre sovent al dintre del pòst e de cambiar las cançons que son dins la “ràdio blog” (aquí, a drecha! ). Ai pas capitat de faire una radio blog melhora. O sabi plan qu’aqueste sistèma es pas bon, mas es coma aquò.


Fa un brave moment que i a pas de fòtos novèlas mesas en linha. Me caldriá anar passejar dins mon campèstre borianòl per ne faire d’autras que d’aquesta passa la lutz es plan bèla. Es encara l’ivèrn me sembla… enfin, non me sembla pas: -8º dins la nuèch de diluns a dimars….

Esperi dins ma passejada poder fotografiar quauques indicis de la prima qu’arriba….



dijous, 16 de març de 2006

a la descuberta del mond

www.radAimi de visitar los blògs de mond d'una cultura semblanta a la meuna que partisson per un país exotic.
Nos donan un vejaire del país e sovent es un vejaire acompanhat de fòtos.

Uèi, d'unas fòtos de cossí se vend lo ris al Carrof de China: es aquí!
D'autras fòtos del Carrof chinés aquí




Akò me fa pensar que me cal faire de fòtos de mos pès dins lo Carrof de Barcelona,
akò val lo còp!!

Pe(n)saments

encara un questionari... fasiá longtemps :-P

1. Un còp ma maire se passejava pròche de la via dels trens. Un tren passèt. Li levèt sa jupa. E….

Mas si, n’aviá una de culòta ! …. Mas èra traucada !!


2. Ai pas jamai après l’allemand, es plan daumatge !

3. Quand èri pichonèla aviái pas de tetons ara que soi grandeta n’ai coma de melons e mai son plan redonds, Quand èri pichonèla, aviái pas de persil, ara que soi grandeta n’ai jusqu’al monilh, e mai dins lo borrilh Quand èri pichonèla, fasiái l’amor pel sòl, ara que soi grandeta o fau dins los lencòls e mai dins lo pairòl. Quand èri pichonèla gardavi los aucons, ara que soi grandeta ne gardi los garçons, lor mangi de potons.

4. Lo collègi èra e contunha d’èsser un rebat de la societat.

5. Doblidarai pas jamai las odors.

6. Un còp rescontrèri un tip. E mai d’un còp ! Urosament, non ?

7. I a tròp de causas sus mon disc dur, m’o cal vuèjar !!

8 Un còp dins un bar, entrèri e tornèri sortir. E o fau a cada còp.

9. A miègjorn m’agrada d’èsser ja levada.

10. La nuèch passada, legiguèri una revista pels 0-4 ans e o ai tot comprés, èri contenta.

11. Poguèsse… èsser melhor….

12. Lò còp que ven que dintri dins una glèisa serà per la visitar, kò’s segur !

13. M’agrada d’èsser dins l’aiga. Mas m’agrada pas de me secar aprèp, d’esser banhada per me vestir e tot aquò…

14. Quand viri lo cap a gau cha vesi lo oai de mon ostalet, e pffffffffffffffff

15 Quand viri lo cap a drecha, ma man esquèrra seguís lo movement, estranh, non?l

16. Sabes que soi a mentir quand es tròp verai per èsser onèst….

17. A la fac, fasiái petar e aviái de bonas nòtas.

18. Foguèsse un personatge de seria TV, seriái coma dins la vida : auriái pas la tele !

19. Lo meteis jorn, l’an que ven , 15 de Març de 2007, serai sus internet, agacharai mon mail, aurai tot plen de visitas sus mon blog, ganharai d’argent amb lo blog e serai urosa dins ma vida, enfin, esperi.

20. L’escais per ieu… « desgenerada », mercés Caro.

21. Encapi pas gaire la quimia. Es coma aquò.

22. Se tòrni a l’escòla deman matin, serai encara cargada coma una muòla, rabalarai los pès, e serai contenta, urosa de veire mos escolans.

23. Sabes que t’aimi francament, se te disi que t’aimi e que me fas cagar

24. Se ganhi un prèmi , la primièra persona que li dirai mercès…granmercejarai pas degun, mas bon depend del prèmi. De tot biais ganhi pas jamai res

25. Esperi que 2006 èra pas bissextila, serquenon, ai mancat lo trin

26 Un conselh : una infusion de telh abans de dormir, pas per dormir plan mas per aver enveja de pissar de matin e se poder levar !

27. Lo melhor dejunat : pan + queso manchego.

28. La cançon que m’agrada mas qu’ai pas, tot wally, ai pas res d’el en MP3, mas ai los DVDs…

29. Se venètz dins mon vilatjòt, poirètz anar a la mar, poirètz daissar la veitura… poirètz agachar los aucèls, escotar las cigalas….

30. Perque pas degun ditz que fau rire ?

31. Se passatz la nuèch al meu ostal vos farai la conversacion tota la nuèch….

32. Lo mond se pòt passar de mon blog ?

33. Aimi melhor netejar lo cuol d’un elefant que non pas de li netejar los traucs de la trompa, aital m’agacha pas.

34. Çò melhor es de dormir quand òm a sòm

35. E, òu, espèri que daissarètz de comentaris !!












La Talvera

dimecres, 15 de març de 2006

Tristum d'una professora tròp sensibla....

Perque los pichons devon patir de las istòrias dels grands?

Perque los sentiments dels enfants son manjats pels sentiments dels adults?

Perqué los enfants devon pagar las conariás de sos parents?





En bonus, un polit pòst del Mila Patas

dimarts, 14 de març de 2006

Calamitat....





I a qualques temps d'aquò, en sortent mos corses de ma saca, te vesi un quicòm blancàs, de la substància estranha. De qué fa aquò aquí? Sai pas. Te preni un mocador, e zo, aquí , i a pas res agut. Una taca? Ont? Mas nooooooooooon.


Uèi, 8.00. Davant los 6ena. Sòrti totes mos papafards. E una tacassa d'aquesta causa blanca es encara aquí. Una escolana, braveta, me dona un mocador de papièr. Te netegi tot aquò. Aquí s'es pas res passat.

Enfin... gaireben....

Vesi a sus mon swit, sul ponhet ,una taca. Ops
Disi als pichons "es de crema per las mans", mon vièch, akò's pas de crema per las mans.

Merda, n'ai en plen sul ventre...

Fa pas res, dins la vida, e mai que mai en classa, cal demorar digna. Farai cors, d'aquesta matèria blanca non identificada... mas familiara, me'n chauti... enfin, ensagi.

L'escolana me dona un autre mocador , es brava , e?

Quand meme, curiositat... te nifli lo mocador, per veire qu'es aquò, macarel.
Aquesta odor, la coneissi. Es kikòm que m'agrada...
Quicòm que se manja, que m'agrada.
Iaort? non
Formatge? tampauc
mmmm
tròbi pas çò qu'es

Contunhi lo cors.

Quand meme, que pòt èstre?
Agachi al fons de ma saca.



Coneissètz lo mond que prenon las saquetas de sal o de pebre "per l'ostal"...

Ben, ieu prenguèri una saqueta de maionesa....

dilluns, 13 de març de 2006

Wally.... mercés Wally

Wally, l’aimi

Wally, abans, lo coneissiái pas

Un jorn, un amic me diguèt, “veni, i a un espectacle de Wally”, ieu li diguèri de nom, que voliái pas anar veire Wally, que lo coneissiái pas, que Wally èra un nom per un gos pas per un artista, que voliái pas pagar 15€ per anar veire un tip del nom colhon. Puèi aqueste amic me diguèt “Zo, te convidi”. Kò èra un argument! I podiái pas dire de non! Alara i anèri!!
E comencèri de rire, e de rire, e de rire, e ritz que riuràs cap a la fin de l’espectacle…
RE-VE-LA-CION!

Comprèri los dos DVDs.

E dempuèi los mòstri a tot lo mond, e akò agrada fòrça.

Perque m’agrada Wally?

- perque fa rire
- perque es gròs e fa rire
- perque a una bona bolha e me fa rire
- perque es avaironés, de Montbazens e me fa rire
- perque es calorós e me fa rire
- perque es content quand ditz de conariás e me fa rire
- perque es un musician im-pres-sio-nant e fa rire
- perque jòga d’acordeon a París e me fa rire
- perque val lo còp de crompar sos DVDs que fan rire
- perque a invitat l’Art Content pour rien e fa rire
- perque es sensible e fa rire
- perque ditz de vertats mai gròssas que fan rire
- perque i a d’occitan dins son DVD
- perque avèm pas enveja de piratar sos DVDs nimai son CD
- perque es tant degenerat coma ieu e aquò me fa rire
- perque acaba son espectacle per adishatz

- perque es Wally.


Anatz faire un torn sul sit, escotatz los mp3 e agachatz las videos, e podètz faire virar!

Aki dejós, de tròçes preses sul sit. Meti pas cap de legenda, vos daissi descubrir, apreciar, e vos escacalassar.
Bona escota!

































Lo sit oficial

Fotbòl sus un blog de filha....










Non, brave mond, fau pas la pub per Nike... Vos rasseguri.



Es que l'Eric Cantona version Al Pacino, m'agrada fòrça.
Los que jògan plan al fotbòl tanben m'agradan.
Las pubs sul fotbòl de Nike m'agradan.
Veire los artistas Ronaldinho, Ronaldo, e plan mai a l'encòp m'agrada...



Òc, sabi que Nike fa trabalhar d'enfants, sabi que s'avèm totes los artistas de Brasil es perque Nike es esponsòr de la còla nacionala de Brasil. Sabi que son de mond que sortisson de las favelas e que Nike fa pas res per cambiar aquò. Sabi qu'es un biais de far doblidar sas merdas. Nike defend sos sòus aquí, pasmens, Nike es a defendre un fotbòl tecnic, polit, sens racism, defend un espòrt...


Puèi cambiar Just do it per Joga Bonito...
Disi ÒSCA.

diumenge, 12 de març de 2006

1... 2 ... 3...

Capiti pas de faire marchar la radioblòg
seriá ti pas wanado que supòrta pas lo php a gratis?
Alara, me cal trobar un autre biais....




Atencion ensag:









L'art à Tatouille - L'autobus






Akò marcha, total respect sus ma persona!

Vau metre lo tròç concernit akí