dijous, 29 de març del 2007

Art setòri.

1000 PAVOIS?
Akí lo títol de la mòstra novèla del MIAM!
Òc perque a Seta, i a un musèu que s'apèla lo MIAM, Musèu Internacional de las Arts Modèstas. E aqueste mond, que son de mond intelligents, an decidit de faire una mòstra bèla sul pavés coma supòrt d'art.
Un pavés qu'es akò? Es la mena de boclièr que servís a las ajustas. Per de fòtos de las ajustas, es akí o sul sit joutes.com

Bon , ben , lo pavés, servís per las ajustas, e servís tanben per li pintrar dessús: òbra d'art o remembre d'un torneg ganhat.


Lo MIAM faguèt una crida que lo mond de Thau portèsson sos paveses per los expausar. La resulta es tras que bèla: mai de 500 paveses recampats!

1000 paveses ? non, ara n'i a 500, lo punt d'interrogacion es l'esper de poder arribar cap a 1000...
Alara, los paveses expausats n'i a de tota mena, polits, laidasses, istorics, kitsches, d'artistas reconeguts, d'anonims...
Çai-jos kaukes fòtos presas lo jorn de l''inauguracion



Un pavés de Pierre François, mòrt quauques jorns abans l'inauguracion de la mòstra :( :





Un de 1881: (es pas lo mai vièlh!)



"Que lo tenga lo qu'a pas begut"


Barque bleue / Barque rouge, d'ajustaires en blanc. Mila Dieus, akò te fa las colors del drapèu francés....







"Sien de Seta" (escrich en dejós de "republique Sud")



Es una mòstra que me regalèri de la veire que lo pavés es un objecte plan familiar akí, puòi s'i vei tota una part de l'istòria de la vila... I vòli tornar per espepissar cada pavés que lo jorn de l'inauguracion, i aviá tròp de mond!


Mòstra de veire cap al 7 de Junh.





Lo MIAM vist de la carrièra:





De visitar:
- Lo sit del MIAM: MIAM.org .... pas pro actualisat!
- L'ofici de torism de Seta... se per cas volètz venir passar la dimenjada per veire akela plan polida mòstra.

7 comentaris:

  1. Tarriblàs !
    Que i auré de qué har ua beròja sequéncia per un professor, non ?
    O ua mustra caminaira pertot capvath Occitania !


    Qui volerà har a las ajustas contra jo ? Qu'èi dejà ua idea de pavés...

    ResponElimina
  2. Il fait des expos sympa le musée des arts mineurs!Tu as d'autres fotos!!!

    ResponElimina
  3. KKJ > a la professora , akò li agrada :). Mòstra caminaira, es una idea bona! Mas se farà que lo mond an prestat son pavés e pensi pas que lo prestàran per que se passeje...

    Cedric>> Òc, n'ai d'autras de fòtos. Et j'en ferai encore! Modestes les arts, pas mineurs ;)

    ResponElimina
  4. Vaquìta una mòstra fòrça interessanta. Aquelei pavès son deis objets tras que polits.
    M'an totjorn agradat lei mòstras barrutlarèlas dau MIAM e tei fòtos mi balhon l'enveja d'anar a Seta per vesitar lo musèu.

    ResponElimina
  5. Romièg, arriba!
    Lo MIAM es dubèrt cada jorn levats lo diluns e los jorns de festa. Oraris: 10.00-12.00 / 14.00- 18.00.
    1er dimenge del mes: dintrada a gratis
    sekenon, son 5€.

    ResponElimina
  6. Tròbe que manca un paves 'qui... un paves per Mela... un Calimero !!!! :o)

    ResponElimina
  7. >> Pasha:: MDRRRRRRR

    ResponElimina

Mercé :)