Ma boca, mas cervèlas e ieu

Es pas mai un secret, o sabètz totes, quequegi. Quequegi de longa lo matin, lo vespre, la nuèch, e mai que mai quand parli.

Alara, l'exMonAmorós qu'es una mescla fabulosa entre la Maire Teresa (sens las besiclas), de l'Abbat Peire (sens la barba) e la cronica psicologica de Femna Actuala (mas sens las popas) aviá decidit d'ensajar de comprene perque quequegi. S'akò li pòt faire plaser....
Sa deduccion: quequegi quand :
1- i a d'emocion
2- soi lassa
Ma fista, s'akò li conven....
(e mèfi, ai pas dich que sa deduccion èra justa...)

Alara, mèfi , arriba un florilègi d'un diluns melamitós...




Dins la cosina, La Jefa e La Pomponeta son assetadas, soi a far la terralha....

***
Discutida. Ieu ensagi de cambiar de subjecte... e capiti :). Tota orgulhosa, fau:
- Zavez vu comme j'ai fait déviation.
Espetan de rire e fan las doas en còr "diversioooooooooon"
***


***
Las doas me vòlon totjorn trobar un òme e tre que i pòt aver un òme dins mon ròdol, me fan
"E aqueste, vòls pas?" (censuri sos prepauses, perque akeste blòg es un blòg que se respiècha).
"Non mais i a pas marqué Port Salut!!!!"
M'agachan.
espetan de rire.
Ieu me cali, sosqui... De qu'es que voliái dire? ben voliái dire quicòm coma "chuis pas l'armée du salut". De costuma disi que soi pas Los Restaus dau Còr...
***



***
Lo botelhon del liquid per la terralha es vuèg.
Demòri dins aqueste ostal dempuèi septembre, mas sabi pas ont son las causas. Perque la Jefa recapta tot (d'akí l'escais...). Demandi ont pòdi trobar un botelhon de liquid per la terralha plen, La Jefa me ditz que sota l'aiguièr, i a un botelhon nòu. Dubrissi la pòrta. De botelhons sota l'aiguièr, n'i a bodre (efièch "Where is Charlie?"), n'i a tant qu'una gata i trobariá pas sos gatons.
Cerqui de mos uèlhs aluserpits e demandi (enfin, ensagi de demandar)
- i i i i i i i i i i i il est où le .... le.... le .... le.... le .... le.... (òc, quequegi coma akò, fau pas semblant ieu)
E La Pomponeta de rire (es pas en te trufant de ieu que ganharàs lo cèl! )
- Et elle est où l'emotion quand tu parles du liquide vaisselle?!?
pffffffffffffffffffff
Paura de ieu.
***




***
Astiquer quelqu'un? La coneissètz pas l'expression?

Es la qu'empleguèri dos còps en plaça d'"asticoter quelqu'un"
***




.