diumenge, 23 d’octubre de 2011

Sondatge de la debuta del mes

Responsas a la question "cambiar dètz jorns a Lisboa contra doas setmanas dins la banlèga de Caramauç, aquò es...": 

una manca de gost evidenta
  5 (23%)
una istòria de cuol dins l'aire
  11 (52%)
l'exilh politic dins la sola ciutat d'esquèrra d'Occitània
  4 (19%)
una restriccion budgetària
  3 (14%)
un refugi per trabalhar
  0 (0%)




Primièr, me diguèri que pensatz que çò que me mòu es lo sèxe mas coma sabi que sètz totes de romantics, pensatz que, per daissar tombar un viatge dins una capitala europèa de tria per anar dins lo trauc del cuol mai negre d'Occitània, cal èsser grèu amorosa.
E coma sètz politicament corrèctes, pensatz que , contra la drechizacion de la societat, ai decidit d'anar dins una de las ciutats mai rojas del país : Caramauç.

E ben, non, la rason es ni sexuala ni politica. Aquò dich, se i a un mascle caramauçin d'esquèrra que me legís, vòli plan jogar a la mina e al carbonièr o faire lo vagonet amb el.

Mas vertat es, en causa de la crisi actuala, lo FMI (Finta de la Melania Intelligenta) m'a dich de pas sortir del país que quand me'n vau a l'estrangièr, gasti tròp.
Mas, mai que mai, lo FMI insistís e prepausa d'acabar de començar aquela puta de màster en plaça de m'anar bronzar lo cuol sus las plajas portuguesas. 
Ai doncas cercat un endrech pròche de la Talvera, sens internet e pas tròp car. Mai que mai, pas tròp car. E una amiga de ma maire a un ostal dins una residéncia minièra de la banlèga de Caramauç. L'exotisme complet mas sens palmièrs.
Un remake de Germinal en perspectiva.

Aquò dich, li ai pas encara demandat l'ostal a l'amiga de ma maire, benlèu que serà ocupat quand i voldrai anar e aurai pas d'autras solucions que "sorry FMI, anam a Lisboa!".

E ben non, mon esquizofrenia se melhora pas.

3 comentaris:

manjacostel ha dit...

mesfi! que i a una mena de pargue d' atraccions , ont se pòt far d'esqis nauticas, e quitament d'ensajar de paracasudisme, estcat a un fial de fer d'amont-aval,rispa raspa, a la Descubèrta.
Lo qu'arriba entièr, se ganha un quintal de carbon...

賈尼 ha dit...

Ieu serai a Lisbona la dimenjada que ven :D

Arm ha dit...

"Ai doncas cercat un endrech pròche de la Talvera, sens internet e pas tròp car."

Doncas lo mai important es La Talvera!! Pfff... I a de causas que cambiaran pas jamai dins lo FMI de la Melania!!!
Per contra soi pas d'acòrdi amb la nocion de sins internet...cossi farem pel legir ton blòg nousautres???