dilluns, 26 de març de 2012

Comptar los dets

Coma sètz de legeires curioses, soi segura qu'avètz legit l'article passionant de la Wikipèdia francesa sul sistèma duodecimal qu'es lo biais saberut de dire "comptar en basa de 12". Coma ma banquièra
I ai legit que d'unes pòbles comptan en dotze en se basant sus las falanges, en las comptant amb lo det gròs (doncas, las falanges del det gròs son pas comptadas). Es un biais completament diferent de comptar e d'utilizar sos dets per comptar, un rapòrt al mond completament diferent. 
M'agraaaaada. 
Dempuèi qu'ai legit aquò, arrèsti pas de me comptar las falanges. 


3 comentaris:

Mirelha ha dit...

"Falanges " ???? Ieu diriái puslèu "falanjas".
Signat : la correctritz !
A dissabte a Tolosa ?

Mela ha dit...

Aviái agachat :
"falanjas" dins Lauç e Tot en òC
"falanges" dins Ubaud e en catalan.

Mirelha ha dit...

Me clini fins a tèrra (enfins, çò que mon esquina me daissa far !) e me disi "chut e mut, calha-te e buta" ...
Potons