dissabte, 16 de juny del 2012

Istòria caudassa plena de cons (non, pas d'istòrias de bica!)

Son tan nècis los mezòis que quand te fan un parking, e ben t'i foton pas d'arbres.
E aquel parking, l'estiu, es al solelh de 6h lo matin fins a 9h lo ser. 

E quand la region decidís de faire son Total Merdum a Mesa, e ben lo te fot sul parking sens ombra. A ben oè, es pas encara l'estiu, fa juste 30º.

E ieu, que soi tan nècia que poiriái èsser a l'encòp mezòia e trabalhar a la region, e ben ma crema solara per aparar ma pelona sensibla del solelhàs missantàs, l'ai daissada a l'ostal.

E jòga que jogaràs d'autbòi a Mesa tota la tantossada. 

Soi cuècha. 

Ai la cara que sembla lo far de Seta, sabètz, lo roge.
E los braces, te semblan las merguez de l'arab dau dimenge sul mercat (en mai carnudas, akò rai).

Brèu, ai caud.
Brèu, me fa mal.
Brèu, soi a fantasmar qu'un mascle pelut es a me passar de biafina.


E puèi la Biafina, aquò...

Trobatz pas que fa caud?



2 comentaris:

  1. L'an onim17/6/12 11:54

    La camba te fa mal, bota sèla, bota sèla...

    ResponElimina
  2. Amador lo marabor. Carta Visa acceptada.17/6/12 11:56

    As pas rescontrat Super Mario a Mesa? Auriás besonh d'un plombièr per te destraucar tota la tudelariá de l'ostal, çò me sembla.

    ResponElimina

Mercé :)