dimecres, 20 de març de 2013

L'eslip dau Vesin : avanci!

Mèfi, mèfi!
Aquò avança per la futura resolucion del mistèri de l'eslip dau vesin!


L'autre jorn que venguèt pagar lo loguièr, lo desvestiguèri, sauvatja, li faguèri l'amor e ai gardat l'eslip en trofèu demorèt un brieu a charrar a l'entorn d'un bon cafè liofilizat. E al fial de la discutida que consistís de mon costat a pensar pas que tres causas en bocla: "mas qué li vau dire?", "poiriam  èsser amants, seriá practic" e "cossí li demandar per l'eslip?", ai descubèrt qu'avèm dos punts comuns. 

Lo primier: fasèm las crompas al meteis endrech. Enfin, als meteisses endreches: l'Intermercat e la botiga dels païsans. "I poiriam anar ensem faire las crompas! E aprèp, poiriam bicar!", bon, li ai pas dich, mas i auriá pogut pensar solet! Èri contenta, aquò vòl dire qu'avèm una valor comuna. Mas ieu sabi tanben que fa sas crompas al Lidl e Lidl, es pas bon. Cossí o sabi? Daissa son estòc de sembla-chuc d'irange del Lidl dins lo garatge, i arriba pas tot solet lo botelhon del Lidl dins lo garatge quand meme!
Segond punt comun, e aquí marquèri cinquanta punts d'un còp amb la question mai eficaça que l'estrip tease integral: "volètz de chocolat?". Li agrada lo chocolat! Es un gormandàs! E coma aviái crompat de chocolat del bon, se regalèt. "Se cal far plaser dins la vida! Bicam?". E de dire "a mas se comenci, la vos tombi la plaqueta", "es pas grèu, n'i a d'autras". 
Leiçon d'educacion nº1 : quand lo mond te ditz "o pòs manjar tot", o manges pas tot, malurós, aquò se fa pas! 
E el mangèt tot lo chocolat. 

M'a manjat tot lo chocolat, es la debuta de l'intimitat aquò, vertat?



2 comentaris:

賈尼 ha dit...

Ai l'impression qu'aimariás mai te mangèsse quicòm d'altre......

manjacostel ha dit...

Aie ... aital començan totas las istòrias d'amor... mas nos disètz pas tot suls 'ip... Es roge ambe un martèl e una sèrpa.. Per ieu anètz tròp luènh ... Pfff li donar de chocolat e per que pas de salcissa .. Doncas cal tornar al fondamental, es a dire lo tripon, lo caulet farcit, lo picaucèl...mas pas cap de chocolat que te dona la caganha ....