diumenge, 18 de març del 2007

dissabte 17 de Març de 2007

Dissabte 17 de Març.
Besièrs.
12.00.
Sul plan Joan Jaurès, d'estands e ja pas mal de mond.
Lo poton a totes los que coneissi.
Al cap de 5 minutas, n'ai mon confle. Ieu aimi pas lo monde, nimai faire lo poton de longa.
Me compri lo pegasolet comptaire, soi o ai lo numero 1098. Es un numero simbolic akò? Non, cresi pas, tant melhor. M'auriá fach cagar d'aver lo 666, auriái aimat d'aver lo 69, mas en me desrevelhant a 10 oras del matin, èra mal barrat...
Torni , viri amb mos drapèus (òc, n'aviái dos)
Ma mission aqueste jorn: trobar lo Quequejaire, prene Bayrou e Voynet en fòto e faire lo poton al mond d'Òlt.
Passegi.
Vau crompar un entrepan e escoti lo lemosin parlar al forum de Gardarem la Terra, seriá pas un legeire del blòg? ;)
Mangi mon entrepan, vau sus las alèias, començan d'arribar lo mond.
Los Nissarts arriban: an totes una pancarta, totes, riscam pas de los mancar! Òsca!
Los Catalans arriban en fòrça tanben, 2 carris from Catalonha-is-not-Spain.
Los provençaus arriban: ne soi conteeeeeeenta. De grafia mistralenca a bodre, de drapèus de Provença, de fòtos de Mistral, de pegasolets e casquetas del Felibrige que veirem tot de long lo passa carrièra.
De veire tant de pancartas "provença terra occitana", me disi que quicòm de grand es en marcha, akò deviá arribar, e arriba enfin. Òsca per un país entièr que ven revindicar per sa lenga quin que siá lo dialecte, quin que siá la grafia. Doncas òsca al Felibrige e a totes los Felibres venguts a Besièrs. Se foguèrem lo doble qu'a Carcassona, la preséncia felibrenca i es per quicòm. Ara, me disi que manca sonque los arlèris (=se ditz del mond manifestaire d'Arles) per comprene que l'oignon fait la soupe l'union fait la force e que 20000 + 1000 + los que volguèron pas causir e demorèron dins son lièch, akò te fa bravament de mond.
Vakí per la matematica del jorn.
Balanç de las missions del jorn:
- trobèri lo Quequejaire a la fin-fin de la manif.... Mas ne tornarai parlar un autre jorn
- trobèri pas lo mond d'Òlt que i èran mas que trobèri pas... grrrrrr
- manquèri Voynet, es mon costat "tròp tard a la sopa" grrrrr.
- Bayrou es pas vengut. Bayrou, as fach lo colhon! (es per la rima). As fach una bèla conariá, grandet!

Escotèri un pauc çò que se disiá sus l'empont, prenguèri d'unas fòtòs puèi la manif partiguèt.
Comencèri la manif a la tota debuta, puèi m'arrestèri per prene de fòtos e veire passar tot lo mond. N'i aviá de mond! e de mond venguts d'en pertot, de luènh, luènh, luènh coma o veiretz sus las fòtos. Akò acabava pas jamai!!!!
Lo camion de la Chourmo barrava la manifestacion, arribèri doncas demest los darrièrs sul vilatge occitan ont i aviá bravament de mond, ... volián pas partir!!!


Bon, ara, qué faràn los presidenciables?
Qué farà la societat francesa?
Qué farà la societat occitana?

L'Istòria o dirà.










kaukes fòtos?
Riquet:


Petaçons de Pesenàs

Lo mond de Font Segugno èra akí. Font Segugno, akò's l'endrech
que Mistral e sos 6 collègas fondèron lo Felibrige en 1854 !

Paco Boya, politic aranés


Giaco, conse d'una comuna de las Valladas.
Perqué l'eissarpa italiana càmbia de la blau blanc roge.

Giaco, siás lo pus bèu!


vò, as rasoun!

Akò fasiá plan plaser de veire
tot plen de pancartas en grafia mistralenca!


L'empont amb d'unes elegits




Lo Deputat setòri Liberti èra vengut





La debuta de la manif


Bodega bodegaires

LO MAI POLIT!


Òsca pel cambiament d'eslogan
Anem òc per la lenga occitan , ven "per la lenga d'òc".
Preséncia bèla del FElibrige , òsca!





Los catalans de las Bressòles èran venguts.





Akò kikòm que me pertokèt qu'anèri a l'escòla a Mireval...

Los Occitans de Calabria avián fach lo viatge
(e, macarel , quin brave camin!!)




Las Valladas èran vengudas en fòrça!

Tatou e Papet J de Massilia Sound System
al camion de la Chourmo


E , al cuol de la manif:



Fotos manifestacion Besièrs
Photos manifestation béziers
occitan

12 comentaris:

  1. Eri lo numerò 5303 (pensi pas que siegue simbolic aquèu). Ai fach tota la passa-carriera darrier ò a costat dau camion de la Chorma. Avèm degut caminar un momenet ensems...

    Totei per carriera
    Totjorn bolegant
    Volèm pas de frontiera
    E parlar l'occitan


    Bèla jornada e bèla vesprada.

    Lo còp que vèn, assajarai de pas oblidar mon aparelh de fòtos...

    ResponElimina
  2. ièu tanben doblidèri mon aparelh, mas agachèri tot, e mai esperavi de me faire fotografar los pès per tu, coma promés... bernica ! Lo lemosin que parlava per gardarem la terra èra ****, amb nosautres dins lo bus, benlèu ton legeire el tanben,
    tèu,
    tavan

    ResponElimina
  3. >> romièg: pffffff, auriam pogut charrar, daumatge. As pas reconegut mas cauçaduras?!?!?!

    >> tavan: ben te coneissi pas!Me coneisses tu?sekenon t'auriái pres los pès amb plaser!
    sas, ne prenguèri de fòtos de pès! (coming soon...)


    Mos legeires son blonds, doblidan l'aparelh lo jorn de la manif pffffffffff
    Aprèp diran que ieu soi la calamitat!

    ResponElimina
  4. >> tavan: a, doblidavi,ai un pauc modificat ton comentari... me'n voldràs pas? l'interessat dirà son nom s'o vòl. akeste blòg es un blòg d'anonims joioses e vòli qu'o demòre :)

    ResponElimina
  5. Mei de 20 000, de pertot capvath Occitania... donc mei de 40 000 pès de préner en fòtos per Mela !
    Quina horrèra ! Aquò hè gai !
    Malaisit donc de véder a tot lo monde un tau dia, qu'ei de dòu har, vertat, mes qu'ei totun un signe deus bons, n'ac credetz pas ?

    ResponElimina
  6. Vertat Quequejaire.
    E mai ieu èra vestit en anonim. Degun me vegèt pas, levat qu'apareissi dins lo jornal de França 3.
    Ane, Melania, encara un esfòrt e me traparàs !

    Eric Erac

    ResponElimina
  7. polidas fòtos, me soi pas reconeguda pr'aquò i èri tanben. mon numèro me rapèli pas qu'ai ja escampat lo pega solet, soi pas fetichista pareis.

    ResponElimina
  8. Lo lemosin que parlava per GLT qu'es ieu... eh be, Mela, sei content, i a quauqu'un que m'escotet... Avia l'impression de parlar au betum de la rua...

    ResponElimina
  9. Ben òc, Pasha, sabiái qu'èras tu :P
    E òc, t'escotèri!
    ;)

    ResponElimina
  10. >> anonim Eric Erac: del JT de la 3, ne coneissi la mitat del mond que vesèm... Siás lo presentator del camisòt "adishatz"??? (es lo que se vei melhor...oaf oaf oaf)

    >>KKJ: Vertat!
    40 000 pès, compreni ara perque èra comola ma carta memòria!

    ResponElimina
  11. Ai pas reconoissut tei sabatas que lei sabatas son pas lei cavas qu'agachi en prioritat quand vieu una frema. Mi perdonaràs se sieu pas un fetichista dei gròlas coma tu...

    ResponElimina
  12. Adiu !
    Ai vist monde que portávan los numèros 1213, 1453, 1470, 1714, 1791, 1885, e que an pas repotegat ...
    Quina vergonha de preposar bilhetas ambe aquestas datas tant vergonhosas car las avem perdudas aquestas batalhas o perdut la lenga o la dignitat nacionala occitana.
    Per astre lo miu numèro èra 02424... e l'ai conservat preciosament !
    «- Anè, un pegasolet, un manifestant e fasem lo compte !» que l'ai cridat mantunes còps.
    Alara se me vesètz ambe aquesta numèro ( la debuta de la SS occitana ) podrètz dire que es lo ... Jacme Godilhaire. @ lèu !

    ResponElimina

Mercé :)