Atencion, pòst un pauc gòre

FA quauques jorns qu'aviái de problèmas amb l'autbòi. que "marchava pas". Que bufavi coma un buòu dedins e de còps que i a, èra lo silenci complet. Alara me fasiái de lagui, pk me disiái que capitavi pas , qu'èri pas bona, patin cofin.

Dijòus, al cors, vòli far lo "la" que lança la debuta dau cors. E walon, nada, pas res.

Lo pròf pren l'autbòi e amb el tanpauc marchava pas.

"putan, as copat l'autbòi" que me disi dins mon cap, que o sabi ieu que soi una copa-tot.

E ben non, brave mond, o sabètz de qu'èra lo problèma??

E ben èra que l'enche, i aviá tant de mèrda dedins qu'èra tapat.

Se vei que l'autbòi es un instrument que t'ajuda a crear de microorganismes parallèls. Ta bava demòra tancada dins l'enche e al contact de la cana (l'enche, akò's dos bocins de cana que vibran), akò te fa un microcòsm plan actiu. E al cap d'un moment, se siás un porcàs que neteja pas son enche o s'o sabiás pas que la caliá netejar, e ben los microorganismes creisson e te tapan l'enche e pòs pas bufar.

 Los mistèris de la sciéncia e de la musica.

E dins aqueles moments, te cal pas pensar que la mèrda qu'engorgava ton enche ven de ta boca a tu e que te tornavas metre regularament aquel enche plen de merda  dins la boca. D'aquò se ditz "lo cicle del poiridum".

Lo prof me netegèt l'enche, me lo faguèt pas faire a ieu perque  o sap lo tipe qu'ai las mans plenas de dets.

E diguèt : "Soi content. Aquò vòl dire qu'as plan trabalhat. Un enche linde, aquò marca mal".

Se vei que dau mai as de mèrda dins l'enche, dau mai seràs bon quand seràs grand.

L'autbòi, es plan polit, mas es tb bravament fastigós.

Sus aquò, vos desiri a totes un bon apetit.