divendres, 24 de juny de 2011

de cossí tuar son cat



Condicion sine qua non : aver un cat.

La solucion aisida e radicala es de l'espotir tranquillon amb l'auto. Mas la sang risca de gisclar e fa pas pròpre.

Per suprimir ton cat d'un biais innocent, genre "oh, es mòrt, compreni pas", te vau donar la solucion.
Compras de pipetas anti-nièras per chin (cal far discret, prendràs las pipetas per chin de mens de 10 kg).
Prenes lo cat, l'alisas un pauc, li metes lo produch, entre las espatlas, coma pel chin.
Espèras un pauc.
Lo cat començarà de bavejar, de doblidar qu'a de patas per caminar, s'as d'astre, de qué filmar e un cat comedian, farà quauques convulsions. La version rapida e sens espectacle: crebarà. E paf lo cat.




Basta per l'umor negre. Los produches anti-nièras pels chins son subretoxics pels cats.
Ara, sètz prevenguts.
Ieu o sabiái pas.
E ne metèri sus ma cata.

Mas sembla qu'ai una cata warriòr que subrevisquèt dos jorns mai o mens normalament fins que me faguèsse de lagui "òu, la Cata, as pas la forma?" DòcVeto me la diagnostiquèt per SMS.
La dochèri al sabon de Marselha.
Oè, dochèri la cata al sabon de Marselha...

E lo conilh d'ièr e l'aucelon d'aqueste matin me granmercejan pas ;)

3 comentaris:

Quequejaire ha dit...

Perdiu, b'èi avut páur en léger lo començar !

Que sembla d'estar beròja la gata toa (la qui ei en fòto, nada ambigüitat, ok !?!).

La nosta que ns'a desquilhat ua palometa delà ger.
Qu'èra de l'an vaduda. Que son las pigas qui la s'an plumada apuish minjada.
Que'n tiri tres leçons :
1. Dempuish quauquas annadas que i a mei anar mei de palomas viciadas. Qu'an donc fenit de har los petits au Marròc, que'us se hèn a noste. Mes que s'avèn desbrombat la mei marroquina de las gatas occitanas...
2. Doman que vau díser au men hrair d'abandonar lo son Setter lemon en çò de Rocco (sic), quan seré dab lo LOF e qu'avosse costat la pèth deu cuu, que'u sufeish de's har seguir la mea gata embastardida tà anar caçar.
3. Las pigas que son malaputas. Ne las me poish pas chinchar. Qu'an un anar hitchcockian. Las pigas, que son las iènas deu noste cèu europèu.

Tam ha dit...

Per tugar son cat, i a un fum de consèu dins UN MATAGOT MODERN ais edicions de l'IEO GARD. Leis infos son sus lo blog dau Tam...

Quequejaire ha dit...

Tarribla la navèra fòto deu som de blòg deu libe qui parla Tam... e la soa illustracion !