divendres, 29 de març del 2013

Òbras a l'ostal : arranca o raca.

L'estiu passat, me crompèri un ostal.
Uèi, uèch meses aprèp mon arribada, ai descobèrt dins lo garatge que sul plafond, i aviá marcat la data de construccion : "22-6-1967". 

E la decoracion que i aviá quand arribèri, e ben èra de l'epòca tanben! 
Aviái dos meses per melhorar d'unas causas. Las prioritats : aver un burèu e una cambra. 
La rèsta? Veirem mai tard!

Primièr de tot, me caliá tirar la tapissariá de la cambra. 
Èra pas possible, i auriái pas pogut dormir dins aquela cambra que t'i aviá una tapissariá de las florassas multicolòras que m'auriá fach far un molon de cachavièlhas. Agachatz-me aquò :




Qual es lo con que lancèt la mòda de tapissar los plafons? 




7 comentaris:

  1. As gardat lo lustre ? Serà lèu tendéncia !

    ResponElimina
  2. Dins ma chambra d'estudiant vèrs Clarmont, i aviá la mesma tapissariá, mas amb de flors jaunas passidas en mai. Me cresiáu l-èsser dins una bóstia de chauçaduras.

    ResponElimina
  3. Inspector dels trabalhs acabats30/3/13 18:22

    Un còp de pintura sul papièr e zo! Coma nòva e sense tròp se fatigar, disi ieu.

    ResponElimina
  4. Poirà èsser bravament polit. Sufis de montar sus una escala amb qualques pincels pichons de diferentas colors, e de tornar pintrar las flors,de son biais, de refrescar a son idèa ,( ja qu'i a lo dessenh de prest... O cal far d'un biais modèrne ? "estèlas, galaxia, per exemple sul fons blau negra , o verd ..." costa ren d'ensatjar...E serà personal e unenc ?

    ResponElimina
  5. Mela, lèu lèu mòstra la fòto de çò qu' es vengut. O as pas pogut daissat aital! m' atriga de saber.

    ResponElimina
  6. Mela, perque nos fas un det?

    ResponElimina
  7. ièu tròbi aquò polit!

    ResponElimina

Mercé :)