dilluns, 25 de març del 2013

Periple a Maiano : Cresi

Embé l'autor catalan mai conegut d'aqueu blòg, après Malhana, nos petèt d'anar au CREDDO a Graveson. Lo Creddo aquò's lo Centre de Recerco, d’Estùdi, de Doucumentacioun e de Difusioun d’O.
12, avenguda Chabaud. A Graveson, d'avengudas, n'i deu pas aver una molonada... La trobarem.
E la troberiam.
E troberiam l'ostau dau Creddo


Èra barrat.
Embé un mot sus la pòrta.

La clau es au trauc. Je répète. La clau es au trauc.

Cèrca que cercaràs la clau, la trobaràs pas! 

Agacheriam de'n pertot e ren! Pas de clau! Pas de trauc! Pas de creddo!

E, sus la pòrta, un autre papièr :
Una autora nimesenca subreconeguda èra passada una ora abans! 


Soi segura qu'es ela que l'a emportada la clau. 

6 comentaris:

  1. Qual ten la lenga ten la clau...

    ResponElimina
  2. E lo qu a la clau pot dovrir la porta ....

    ResponElimina
  3. Vai cagar a la vinha e porta me la clau...

    ResponElimina
  4. La clau del paradis... per la Setmana Pascala... o la clau del campèstre , qual es la femna que ten la clau? Clemença? Marinou? Bernadeta? Sofia?

    ResponElimina
  5. O tanplan la Margarida... Qui sap ?
    Doncas, se compreni pplan, siás pas dintrada dins l'ostal del Mèstre a Malhana... Domatge !

    ResponElimina

Mercé :)