dimecres, 10 de febrer de 2016

Tròç de vida 006


Es mon primièr co-veituratge.
De Besièrs a l'aeropòrt de Montpelhièr.
Es un tipe plan simpatic.
Auriá pogut prene lo ròtle de Michel Serrault dins La Cage aux Folles.
Avèm tot plen d'afinitats : visca lo maridatge gay, Menard e Le Pen defòra !
A una carta de fidelitat de sabi pas quina companhiá d'avion e a agut son vòl per 1€.

Es d'un endrech que coneissi pas.
Vosges ? Jura ? Ardennes ?
Me soveni pas. Mas un endrech lonhdan e freg. Es tot çò qu'ai retengut.

Rai un anar-venir per mens de 10€ a ben rason de ne profiechar per anar veire sos parents!

Lo daissi davant la pòrta del terminal de l'aeropòrt.

Tiri cap a Aigas-Mòrtas als 70 ans de l'Enric en me dire que lo coveituratge, aquò's simpà. Caldrà tornar començar!