dimarts, 2 de febrer de 2016

Confiteor

L'autre jorn vos anonciavi qu'aviái començat mon futur bestseller.

Çò que vos ai pas dich, es que mon bestseller, lo volguèri escriure per ganhar d'argent.
Oè, soi venala. 
O paura. 
O los dos. 
E entre trabalhar mai per ganhar mai, ganhar al lòto e escriure un bestseller, causiguèri l'opcion mai aisida. 
Mas per ganhar d'argent amb un bestseller, lo cal escriure al mens en francés. 
Alara mon bestseller, lo comencèri en francés.
Aviái las idèas, l'estructura, los capitols, aviam tot preparat amb La Jefa e Pomponeta.

Escriguèri 4 linhas.
Puèi pas res.

Sosquèri.
Piquèri quatre còps sus Enter.

Tornèri legir.

Me levèri.
"È, ai escrich 4 linhas ja".

I tornèri.

Pas res.
Pas res.
Pas res.
Lo nonres.
Lo cursor que parpadeja dins l'immensitat de la pagina vuèja.

Alara, las 4 linhas ja escrichas, las metèri en occitan. 

E la seguida venguèt. 

Ara, ne soi a la pagina 22 de mon bestseller.

Rai, ganharai pas d'argent.




3 comentaris:

mirelha ha dit...

Contunha, filha, ieu almens lo cromparai ! E mercé per la carta de bona annada ! Te pòdes pas imaginar coma me faguèt rire...

Una anchòia anonima ha dit...

Una anchòia anonima te lo cromparà tanben :-)

Lajefa ha dit...

Contunha que volem legir ,te caldra pas donar de libres per que l'on mond lo crompe