dilluns, 13 de desembre de 2010

Agenda sexuala

Kimberley es a legir.
Es lo primièr còp que la vesi amb un libre! 
- E ben, Kimberley, de qué legisses?
Respond pas de tant que sa lectura es interessanta.

- Òu! De qué legisses?

E lo libre es "Secrets e conariás de saber o creire o faire e de pas mancar per la futura Mamà".  
- Espèras un pichon?
- òooooooooooooooc!!!
- un dròlle o una dròlla?
- a ben sabi pas encara, aquò o sabèm a mai de 3 meses. 
- e tu? a quant siás?
- un mes. 
E dins mon cap, me pensi , "ok, as tirat un còp passat ièr e as ja facha la tièra de presents per la naissença del pichon".

e Kimberley me precisa:
- Enfin, farà un mes lo 20.

Dònas e Gentlemen, ara vosautres tanben o sabètz que Brandon e Kimberley biquèron lo 20 de novembre. 
Berk berk berk.

Alucini.

 Amb qual, ok , aquò me'n soveni, mas quand, vos ne sovenètz vosautres?
 Mas cossí fan lo mond per se sovenir de las datas?!?!?!?!?

E dins 15 ans, li explicaràn al pichon Enzo o Noa que foguèt concebut un polit dissabte 20 de novembre, quand lo Papà e la Mamà dintravan de discotèca ont avián festejat sos 4 meses e mièg de relacion amorosa e que Papà prenguèt Mama sus la lavadoira del garatge dels Papets e que Enzo o Noa es la frucha d'aquelas amors nocturnas postadolescentas. 



Aquò me va tafurar tota la setmana... Cossí fan lo mond normal per se sovenir exactament de la data de sas activitats sexualas?


Benlèu que m'o caldriá notar sus mon agenda: "dijòus , 22h30, amb Bordelicman, dins un lièch, tot_plen_de_causas_quediraipasperpasexcitarlosmasclesquelegissonloblòg" "divendres, 08h30, meteis òme meteis endrech, me soveni pas de las posicions, èri pas completament desrevelhada"
"divendres, pas agachat l'ora"
"dissabte, 02h35, dormisses? E ò, desrevelha-te!"
"dimenge, a non pas lo temps i a la messa, aneeeeeeeeeeeem".
E cossí fan lo mond normal per donar una data precisa precisa? 

E ben ieu ne dedusissi que lo mond normal bican pas sovent e quand o fan, e ben s'o nòtan. E mai benlèu que lo mond normal planifican sas bicariás ?
"- Mon amor, dissabte de ser, farem l'amor, siás d'acòrdi?
- A non, tornarai de la piscina! Daissam aquò per un autre jorn?"
Benlèu mai que lo mond normal an una aplicacion sus son Ifòn per li dire quora cal bicar e dins quinas posicions e ont , e  que sens son Ifòn, benlèu que lo mond normal doblidarián de far l'amor?
Lo mond normal m'interròga.


Benlèu es per aquò que capiti pas de servar los òmes quand n'ai un,  soi pas normala, ai pas d'Ifòn.





me dison dins l'aurelheta qu'aquò se pronóncia Aifòn, me'n bati ieu disi Ifòn.

4 comentaris:

Laurenç ha dit...

T'enganas : de saupre ont sias estat concebut es una entresenha de las importantas, que o destermina tot per ton avenir. Per exemple, i a una probabilitat de las grandas que se fas contratrolaire de la SNCF, lo papà e la mamà t'an fach dins lo trin. Meme rasonament per dòna-pisson. Los enfants concebut pendent lo darrièr passacarrièra de Carcà trabalharan per l'occitan, òsca als parents !

Maime ha dit...

Laurenç, veirem ben ço que farà Estela dins la vita... :-D

Me, vole volar au secors de quela paubra Kimberley. Me sembla que lo 20 de novembre es lo jorn de la fecondacion, pas de la fornicacion. Qu'es diferent. Lo ginecologue te fai daus calculadis sabents per saubre lo jorn de la fecondacion, per coneisser lo jorn (teoric) de l'acochament. E coma un espermatozoide pot viure dos jorns... Tecnicamennt, podes bicar coma un tipe un jorn, un autre lo lendeman e aver daus bessons. Quo riba.

Alaidonc, Kimberley se soven pas de quand Brandon la biquet (qu'auria esser estonant tot-parier). Qu'es lo gineco que li disset : "Vos setz estada fecondada lo 20 de novembre. Lo nenet surtirà lo 20 d'aust."

Mela ha dit...

Maime: vòs dire qu'es lo ginecològ qu'a un ifòn?

E ben se vei que siás un scientific, asdesmontat tot mon deliri, t'asiri!!
:D

Laurenç: i a de mond que bikèron a la manif de Carca??? Es per aquò que tot plen cridavan "anem òoooooòc, anem òoooooc, òcccc aneeeeeem òooooc"?

Maime ha dit...

Los ginecologues an daus megaIfones : te lo foten sus lo ventre e te prenen 'na foto 3D dau nenet a venir :-D