dimecres, 1 de desembre de 2010

Bon Aniversari!

Es la setmana d'aniversari del blòg, mas uèi, es l'aniversari dau Joan dau Peiroton.
E coma es un jorn especial, uèi, lo vau pas mancar!!! Li poiriái cantar una cançon, mas non, o farai pas. 


Lo Joan dau Peiroton, es una star. 

Anèri amb el a Barcelona per la presentacion de la Lei de l'Aranés perque aviá paur de se perdre s'i anava solet. Alai, me venguèt parlar un jove que coneissiá la Talvera "mercés a un blòg occitan". Mon ego començava de faire lo pavon, perqué quin blòg occitan parla de la Talvera, è? e lo jove me ditz "òc, ai conegut la Talvera mercés al blòg del Joan". Patatràs, mon ego pel sòl, ma glòria de blogaire dins las caucetas. "salopariá de peiroton" que me pensèri. Amb totas las causas cagantas que ne parla, cal que me raube MON subjècte a ieu. mas coma soi brava, li disi al dròlle "e ben, veja, aquí l'as". Lo dròlle n'èra tot urós, ne tremolava e me disiá sens relambi "seriós, es el?". Èra tan fan  que me calguèt far una fòto per immortalizar lo rescontre. Salopariá de Peiroton que me rauba mon grop preferit e la vedeta.

La serada a Barcelona, foguèt la serada de consecracion blogaira pel Joanòt. 
Foguèt entrevistat per la telé! Lo Farri li faguèt una entrevista per l'infòc


E mon paure Joanòt, qu'es un timidàs, e ben, fasiá pas lo fièr.
Sabiá pas en quina lenga parlar, sabiá pas sus quin pè se metre, semblava Rain Man. Vos disi pas l'escais que li ai trobat que m'o perdonarà pas lo tipe :)
Enfin, el ditz que quequegèt, que sabiá pas de qué dire, perque èra tard, qu'èra las e que o sabiá pas que lo Farri l'entrevistariá. Mas ieu o sabi plan perque faguèt lo timidàs lo Joan dau Peiroton... es en causa de la blonda darrièr la camera!!! :


 Bon aniversari, coquinàs!

2 comentaris:

Patricia ha dit...

Mas çò que sabiá pas, lo dròlle, es que ne siás tu, un bocin, de La Talvèra !

Jordi Riera ha dit...

Ieu soi lo dròlle!

E òc, pensi que ¿coneguèri [CAT: vaig conèixer]? La Talvera per lo blòg dau Joan dau Peiroton mas non soi segur. Ieu aimi La Talvera e de mai en mai la conéissi milhor.

Tu, Melani, ès del ¿grup [CAT: grup]? de musica en question? Aiçò es plan bon! Aici, a Barcelona es malaisit de traparne los discs!

Aquestes mots son malaisits d'escriure per ¿me [CAT: mi]? encara parli pas l'occitan, mas l'apreni, pauc a pauc!

L'an que ven lo sauprai parlar e aiçò ès mercès a vosautres dos :)

Encantat de far la vòstra coneissença. Mercés!