La dimenjada passada, anèri far un torn a Vilanòva de Magalona per far una fòto dels panèus abans que desapareguèsson. I voliái anar en bicicleta, mas entre lo gèl, la nèu, la pluèja, la nuèch, las ròdas sens aire e la canha coma un ostal, i anèri en autò.
Los panèus en occitan, son a tres dintradas del vilatge. N'ai facha una de dintrada, la que i podiái daissar l'autò pas tròp luènh, que voliái pas caminar dins lo gèl, la nèu, etc.
Es la dintrada de la rota de Palavàs.
Et je vous ai cromprrrrrrrris, es lo grand retorn de las fòtos de pè. Imaginatz-me, sus la rota de Palàvas amb totes los cons parlaponchuts parisencs montpelhierencs que passan amb son autò, vòstra Mela en tenguda del dimenge a levar lo pè a la broa de la rota. Ara me'n soveni perque las aviái arrestadas las fòtos de pè... Tròp de gimnastica, un abductor de bercat, lo gèl, la pluèja, patin cofin.
E just darrièr los panèus de dintrada, n'i a un autre de panèu en occitan. E ieu me demandi se lo conastre del Moviment Ranci lo farà levar. Pagarà-ti un avocat per aquò far? Trobarà-ti una excusa poirida per lo far levar?
Mas quand passegi per Vilanòva, me disi que la DDE o los emplegats municipals (sai pas qual s'entreva d'installar e de desinstallar los panèus), e mai lo tribunal de Montpelhièr van aver de trabalh se lo Sénher Conastre vòl contunhar son òbra:
Shit, "Font Majour", aquò's pas gaire francés...
Per çò qu'es de la mapa IGN del ròdol, autodafe! Los IGNistas, botatz-los totes en preson, lo Tribunal de Montpelhièr reconeisserà los sieus!, que totes los noms i son en occitan sus aquelas mapas del diable!
(vos voliái numerizar un bocin de la mapa IGN mas... ma bibliotèca es tròp plan recaptada, la tròbi ma mapa ... e coma dins los parçans occitans, la toponomia embocana l'occitan)
Dimenge 12 de decembre 11 oras del matin :
acamp dabans la comuna de Vilanòva de Magalona
per sosténer los panèus bilingues.
Dins 'na comuna, qu'es los empleiats comunaus que boten los paneus. E la DDE exista pus ! Quò se 'pela la DIR (direccion interdepartementalas de las rotas). Montpelhier es coinçat entre la DIR MED (logic, non) e la DIR Massis Centrau (non non cercha pas la logica...).
ResponEliminaPer çò qu'es de Vilanòva, coma qu'es pas sus 'na nacionala, qu'es lo departament (a l'entorn) o la comuna (dedins) que s'ocupa daus paneus.
Perdiu !
ResponEliminaQuitament JPP Que n'a parlat :http://videos.tf1.fr/jt-13h/a-villeneuve-les-maguelonne-fini-les-panneaux-en-occitan-6134689.html
Explixat per TF1, tot que vad clar !
Maime, professor de DIR :)
ResponEliminaE ben naltres, los Roergasses, los avèm metuts dins totas las comunas, los panèls, pas que per l'emmerdar l'altra conifla ! E, en m'ai d'aquò, aquò's lo Departament qu'a pagat !