divendres, 17 de desembre de 2010

Homo bordelicus est

Los òmes, los aimi peluts, inteligents, braves e plen d'umor. 
Mas un òme quand l'aimi, me pivèlan sos defauts. Soi amorosa d'el que ne pòdi pas mai e mai de sos defauts e m'autoconvenci que son los defauts que me cal.
Aquò's perque passi pas lo periòde ormonal que l'aimas amb passion e amb lo solelh dins los uèlhs. Aprèp, arriba lo moment "agachem un pauc melhor" e veses que "non, pas possible de contunhar aital". 

Aquò's una introduccion a la con per vos parlar de Bordelicman. E vos parlar de Bordelicman es una excusa a la con per vos mostrar las fòtos :)))

BordelicMan, coma son nom o indica, es un òme (primièr punt positiu) que comprend pas completament cossí se passan las causas dins un ostal. Sabi pas s'es per manca de socializacion, s'es per exotisme, per manca de concentracion, o per "è?qué?me'nchauti!".

Primièra causa, lo secador sul caufatge:
BordelicMan a pas comprés qu'èra pas per i pausar son eslip de la jornada. 

Punt1: Bordelicman confond lo secador del caufatge e la banasta de vestits per la lavadoira.



Aprèp, los CDs e las revistas a costat del sofa:
"Los CDs an pas de nas, perqué pas pausar ma cauceta que pudís a costat?" se demanda BordelicMan.
(BordelicMan a dos pès, los mai observators auretz remarcat que la segonda cauceta es jol slip)

M'anatz dire, psicològs que sètz, que BordelicMan a pas comprés ont èra la banasta dels vestits bruts, qu'es ma fauta que li ai pas mostrat ont èra. Mas non. Perque es pas acabat.


La sala de banhs, la pòs aver saladebanhs-sauna, saladebanhs-massatges, saladebanhs-jacuzzi. Amb BordelicMan, as una sala de banhs-Aqualand:
Perqué caminar sul tapís de banh quand lo pòs butar jol mòble?




e ben ai una teoria. Perque ieu, ai totjorn de teorias sus tot.
l'Òme es bordelic perque es un animal, aital marca son territòri. Daissar sos afars pertot, es reconéisser e s'apropriar lo territòri. 

Doncas, quand un òme daissa rabalar sas causas dins mon lièch/ma cambra/mon autò, es bon signe!!!

CQFD.


non?

4 comentaris:

Salvador ha dit...

I si, tal com t'agraden, són peluts, també et poden deixar els pèls pertot.

Laurenç ha dit...

çò mai probable es que lo bordelicman es estat un enfant traumatisat, un dròlle que l'an forçat a faire de recaptament dins sa cambra, e que se jurèt que quant seria grand, jamai, jamai pus degun lo forçaria a daissar sos afars en òrdre.

PS : m'agradaria plan de saupre çò que fan mas braietas sus ton secador !

L'anchoio ha dit...

Es benlèu per el un biais arcaïc de te testar per veire se passas darrièr-el coma o fasiá sa maire.

Maime ha dit...

Rhhooo ! Un tipe mai bordelic que me :-D

Bon... tant que te peta pas la chadiera de bureu... ;-)