dijous, 16 de novembre del 2006

Starring la Galina del Velhardon



Lo Velhardon a una galina. Una, pas doas. Enfin n'aviá doas, mas n'i a una que moriguèt paura d'ela.
La galina que demòra, vos l'anam presentar (abans que moriguèsse), perque akò li fa plaser al Velhardon e ieu, akò me fa plaser de li faire plaser al Velhardon.
Akeste blòg vira eskyblòg, ne soi concienta oaf oaf oaf

Alara la galina del Velhardon, en fòto:
E lo gat? De qu'es akeste gat?
Sai pas! Mas la galina te fa un aire...


La galina roja, ai pas comprés ieu tampauc
perque me mandèt akò le Velhardon...


Romeo e Julieta

Lo Velhardon parla de longa de sa galina, lo mot "pan" , dins la boca del Velhardon, se pòt pas concebre sens una seguida qu'es totjorn "per ma galina". "Pan per ma galina". Ieu lo vòli pas contrariar, alara li demandi de novèlas de sa galina e li diguèri se me mandas una fòto de ta galina, la meti sul blòg (t'ai d'idèas ieu de còps que i a...) e lo tipe me'n mandèt 3. Rai, es polida la galina.
E coma lo Velhardon es un fan del blòg (exagerar? ieu? pas jamai de la vida! ), prenguèt lo dakòs al seriós e faguèt un film amb sa galina e sa gossa, akí l'avètz:



Question que vos pausatz totes: cossí s'apèla la Galina del Velhardon?
Alara li demandèri. E ben lo tipe, que parla de sa galina tota la jornada, li a pas donat de nom!!!
Ieu aceptèri pas aquela injustícia facha a la paura bèstia, e lo Velhardon m'expliquèt que se donas un nom a un animal, aprèp quand morís, te sentisses obligat de l'enterrar. E alara?
Alara m'expliquèt que totes sos amics vivon dins d'apartaments, qu'es lo solet d'aver un òrt, e que quand lo cat d'un o lo peissonet roge de l'autre creba, lo venon enterrar dins son òrt, e que doncas a pas de plaça per sa galina a el quand crebarà.


Cercatz l'error.


Dessenh de Kukuxumusu

5 comentaris:

  1. Urosament que ne vien pas suu ton blòg, la garia... Qu'i vederé quin acaban las soas collègas a tarnagàs-land !

    Au topiiiiiiiiiiiiiin

    ResponElimina
  2. En véder quin se l'espia aqueste gat, que crei de saber quin s'ei morta l'auta pora.
    Mensh de dobte de cap au can : que l'ei mei qu'amistós aqueth !

    ResponElimina
  3. Aquesta galina jòga al rugbí de XIII (lo sol, l'unic !) ; avètz vist que grata en-rè, coma las passas apuèi lo "tengut" (tròp tecnic ?).

    ResponElimina
  4. òsca lo XV amb la Seccion Paulina e l'AS Besièrs Erau!!!

    ResponElimina
  5. looooool
    Que sostiens la Seccion Paulina Camel ?
    Qu'as vertaderament hami de't har adoptar peus bearnés... mes ne't cau pas sentir obligat de'n har tròp !
    Que i a d'autas equipas qui ganhan en Bearn, espia l'Eslanç Bearnés en basquet... A, pas mei tanpòc ? Perdon...

    ResponElimina

Mercé :)