Un present per Figura de Gòbi, seguida e fin

Dijòus passat èra l'aniversari de Figura de Gòbi, finalament, prenguèri lo camisòt roge. M'agradava mai lo vèrd, mas FdG carga pas jamai de verd, e lo roge li agrada plan, doncas la causida foguèt lèu facha.

Kukuxumusu fan las causas coma cal. Te mandan lo dakòs e te mandan tanben lo papièr pel present. Soi fan fan fan de kukuxumusu!!
Vakí lo present a de k semblava:

pels 4 porcasses qu'aiman lo costat "cuol colha e vièch" del blòg,
clicatz sus la fòto e agachatz los dessenhòts...

Mas ieu sabi pas faire sonque un present, ne fau totjorn dos o tres. Alara, 1 mes fa, aviái aguda l'idèa d'un libre amb de recetas de campairòls. L'avèm dedicat totas 3, La Jefa, Pomponeta e ieu, amb una dedicaça que convidava akeste brave FdG a nos venir apasturar, e akò sens trigar!
Doncas, lo libre lo crompèri a Sauramps, e prenguèri pas de papièr pel present...
E me trobèri, dijòus a 7.30 del matin, sens papièr per far lo present.
pfffffffff Calamitat en marcha.
E FdG deviá passar a 8.00...

E coma o avètz pas encara remarcat, soi un gèni. (si, si ... los que ne dobtan son fòrabandits del blòg per 4 generacions oras). Alara prenguèri de papier craft, lo dakòs que me servís a mandar de paketons plens de libres e conariás a CelinaDion als Estats Units (precisi pels novèls, que CelinaDion es l'escais de mon amiga k viu als Estats Units, maridada amb BonJOvi, qu'es tanben un escais... Anèssetz pas pensar que mandi de causas a la Celine Dion vertadièraqu'es pas brica maridada amb Bon Jovi mas amb René qu'es un tipe barbut que faguèron totes dos un nenet que s'apela tanben René, ieu disi que René es pas un nom coma cal per un nenet, emai siaguèsse un nenet quebéqués o canadian, mas bon, se'n fotèm... Pels 4 qu'an pas sguit, mon amiga CelinaDion e son òme BonJovi an pas fach d'enfants. E se ne fan un e l'apèlan René, serà pas mai mon amiga. Cal pas desconar, òu.).
DONCAS: prenguèri de papièr craft, e dos feutres pel tablèu (akò servís de còps k i a de far la professora... ) e faguèri un papièr tras que polit. La pròva:

Soi a pensar de comercialisar lo dakòs. Benlèu que poiriái anar dins los corredors d'Al Camp per Nadal e me fariái tot plen de sòus? I soscarai.

Mas las aventuras dels presents per Figura de Gòbi s'arrèstan pas akí, nani monsur!!!

FdG deviá passar a 8.00 de matin, per una excusa escura qu'aviái capitat de trobar. Amb la Jefa, deviam partir a 8.15. Pas de lagui que FdG es un òme ponctual (e òc, ne demòran...).
08.05, telefona:
FdG: - Soi ieu, partissi de l'ostal, fa pas res?
Ieu (contrariada): - A, mèrda, non, es pas possible , devèm partir a 8.15
FdG: - Ben òc, mas bon, podètz pas esperar?
Ieu: - Ben non, fas cagar!!!
(silenci dels 2)
Ieu: - BON ANIVERSARI FIGURA!!!
FdG: - mgrmgrmgrmgmrmgr (akò's lo bruch que fa quand sap pas de qué dire)
Ieu: - Se trobam a la gara dins 5 minutas!?
FdG: - mgrmgrmgrmgmrmgr (akò's lo bruch que fa quand es pas d'acòrdi)
Ieu: - Emmèrdas, nosautras devèm partir, se pòdes passar al'ostal akesta tantossada, passa sekenon, vai te'n cagar.

Bon lo tipe poguèt pas passar. O volguèt pas? Aguèt paur de la trapèla oaf oaf oaf.

E akí arriba l'aventura vertadièra.

Coma Figura de Gòbi passèt pas a l'ostal e que partissiam per 3 jorns, li deviam donar los presents. Alara? Quid???
E ben, li anaviam daissar dins sa brustia de letras! En mai d'akò, son ostal, es a costat de la dintrada de l'autorota... Lo pè!

Me gari lèu fach davant son ostal, meti lo libre que passa "coma una letra a la Pòsta" (l'expression de mèrda... ) e preni lo segond paket, lo del camisòt, e te lo meti dedins. A, passa pas. Lo tòrni, lo plegui coma pòdi, d'un costat de l'autre, bon , ben passa pas. Tòrni a la veitura, la Jefa m'agacha de son agach "siás colha, paura de tu". Aviá pas que d'i anar ela, òu! Çò que faguèt.

"OK, vau virar alai". Fau ma maniòbra amb la Cagona al mitan de la rota, me rambi en fàcia de l'ostal de FdG e t'agachi la Jefa qu'es a luchar amb la bòstia de las letras que vòl pas engolir lo present. Lo papièr Kukuxumusu fa un pauc lo morre, comença de s'escrancar.
La Jefa se desmonta pas. M'agacha e me fa: "es l'embalatge de carton, l'anam levar". Dubrís lo paketon, escampa lo carton. Akò dintra pas tampauc. Bon, al cap d'un quart d'ora a brandussar la bóstia de FdG, decidissèm, enfin, es ela que decidís, perque ieu èri mòrta de rire dins la veitura. Decidís d'o dubrir tot, de far passar coma pòt lo camisòt, sens l'embalatge e en bola, e aprèp de far passar lo papièr Kukuxumusu tot escrancat.
Mòrtas de rire.

Un parelh d'oras mai tard, Figura de Gòbi telefona... Foguèt suspres de veire son corrièr, li precisam:
"A la basa, èra nòu lo camisòt"

Urosament, Figura de Gòbi es un tipe coma cal, sap alisar!