dijous, 30 de desembre del 2010

I'm a barbie girl

Resultas del sondatge per m'ajudar a causir entre un Ifòn a 650€ e un telefonet ròse a 0.15€:

l'ifòn! te cambiarà la vida!: 4 . I a  4 geeks que me legisson. Idèa: vos colectatz a totes quatre e me fasètz present d'un polit Ifòn. S'es pas lo 4 , fa pas res. Basta que donèsse l'ora.

lo ròse! Girl Power!!: 3 Dins mon lectorat, i a 3 cagòlas. Wow.

l'ifòn per agachar de films pornos dins lo tram:  3 . Maime, Quequejaire e Joan deu Peiroton, sètz de porcasses. òc, o sabi que sètz vosautres!

lo ròse, que quand tombarà pel sòl lo trobaràs!: 5. E cossí o sabètz que tomba  totjorn mon telefonet?

l'ifòn per causir las posicions sexualas: 1. Aquí ai un dobte entre lo tierçat ganhant çai sus. Qualqu'un l'a aquela aplicacion?

Per mandar 3 sms e 1 telefonada, lo ròse bastarà: 7. Mon lectorat es una banda de descreissents que gausan pas far son comingout.

l'ifòn! Geek atitude Power! 1. 1 sol geek que s'assumís del 4 precitats. :D


Telefonet Ròse: 15 - Ifòn:9.


E ben figuratz-vos que l'ai crompat mon telefonet ròse!: 
Ara, cal escotar aquò.

Es poliiiiiiiiiiiiiiiiiiiiit.
Bon non, es pas vertat, es pas brica polit, mas es plan ròse. Puèi de tot biais, un telefòn es pas fach per èsser polit, es fach per telefonar. Cal dire que telefoni pas tanpauc. A de qué me servís alara? E ben a me donar l'ora perque supòrti pas d'aver un relòtge al ponhet e a me desrevelhar lo matin perque ai pas de revelh. Ne crompi pas mai de revelhs, los fau totes tombar e aprèp foncionan pas mai: me donan l'ora mas tindan pas. 
E sabètz qué? Rebombís.




7 comentaris:

  1. Protèsti veementament, es pas vertat qu'ai votat la responsa tres, ieu. :). Disi pas qu'i ai pas pensat.

    ResponElimina
  2. Vertat que los Nokia an la reputacion d'èstre solides mas malastrosament aqueste modèle te permetrà pas de far de micrò-blogging e de nos tenir informats de çò que fas minuta per minuta.

    E òc, sus l'Iphone (e non pas Ifòne coma l'an ja decretat d'unes occitanistas !!! ;)) se pòt telecargar l'aplicacion de Tweeter mentre que sus ton suppositòri, (o sextoy, vai t'en saber amb tu) se siás benastruga poiràs jogar a Tetris dessus!!!

    Doncas fas coma vòs mas te voliái prevenir que sèm ara en 2011 e pas pus en 1999. Vau demandar sul pic ta radiacion de l'òrdre dels Geeks d'òc per aquela escòrna a la tecnologia del temps nòstre e tos tastes musicals poirits (Aqua... beuarrrrr)!!!!

    ResponElimina
  3. Camel: de microblogging? per qué faire? aquò t'interessa de saber quand vau crompar de tampax o quand me torqui lo nas? N'as pas pro amb aquel de blòg?
    E non, pas TEtris :(((( Mas i a la Sèrp, of!
    Potons, Geekàs!!!

    ResponElimina
  4. L'autor ha eliminat aquest comentari.

    ResponElimina
  5. Non soi pas cap interessat de saber "quand vas crompar de tampax o quand te tiras la mòca"... Te voliái suggerir de sègre l'exemple de la nòstra ministra de l'ecologia que ten sos fans al fial minuta per minuta e que fa encara mai lo buzz que non pas sus un blòg classic. Mela - NKM, meteis combat!!!!!

    ResponElimina
  6. Nooonn ! Chausiguei pas la 3esma repsonsa. Crese que respondei pas d'alhors... Perque me, lo telefonet... Lo meu es tuat dempuei 'na setmana, a pus de bateria, a pus de credit... Sabe quitament pus ente es... :-D

    ResponElimina
  7. Quequejaire3/1/11 12:59

    N'avèvi pas votat, que t'ac prometi !!!!
    Bèra pausa a que n'avèvi pas lejut un pòst deu ton blòg (excusa-me'n d'aulhors ;) )

    ResponElimina

Mercé :)