dilluns, 15 d’agost del 2011

la setmana serà vegetariana

La vesina, qu'a d'animals, mendica a tot lo mond, mercands e productors, de causas poiridas o passadas per apasturar sas bèstias. Lo fornièr e la mercanda de fruchas e de legums son sos fornisseires màgers.
Mas quand, per astre, te crosa lo portugués qu'arribèt amb una paura valisa en carton e qu'ara es lo rei de l'ortalalha, te li fa :
- Òu, auriás pas de melons poirits per mas bèstias?
Lo portugués, bravàs, li ditz de òc e de passar en cò sieu de vèspre.
Alara, la vesina me ven demandar de caissas per prene los melons poirits. Li doni las caissas un pauc a contracòr perque, de còps que i a, la vesina doblida de me tornar las causas que li prèsti. 

Doas oras mai tard, me telefona e me ditz "Vèni, que faràs lo mercat".

Tornèri a l'ostal amb aquò :

Son de causas bonas mas que li prenon pas los supermercats perque an pas la  forma o la talha que cal.


Doncas, al menut aquesta setmana : 
- ensalada de cogombres
- cogombres a la grèga
- ensalada de tomatas
- ensalada de cogombres e tomatas
- melon - putan, lo melon m'agrada pas gaire... mas coma es a gratis, farai coma se m'agradèsse.
- e, plan solide, gaspaaaaaaaacho!!! 



Question : aquelas cebas, me las cal copar e metre al frigidari o las daissar secar defòra talas coma son ara?? 



7 comentaris:

  1. N'a pas pothas las vesia ?
    Dab los ueus, ua moleta de cèbas, e l'ahar qu'ei plegat !

    ResponElimina
  2. si si, justament, n'a. mas coma los legums son pas poirits, me'n donèt.
    La moleta de cebas, que i aviái pas pensat! Deman, me'n fau una.
    Mas aquò deu far petar, non?

    ResponElimina
  3. La Vièlha16/8/11 17:37

    Confirmi, aquò fa petar. E coma dins la cèba i a de sofre -es per aquò qu'es bona per la santat- mèfi qu'en mai de sentir lo sofre t'anèsse pas butar una coeta forcuda!

    ResponElimina
  4. La Vièlha16/8/11 19:46

    Los melons: i a de receptas de glacet al melon coma aquò los gastas pas e los fas manjar als autres quand venon en cò tieu!

    ResponElimina
  5. @kkj & la vièlha
    Que sabi que m'aucupi de çò que n'es pas de men mès au mot *cèba, ne i a pas nat accent, donc : ceba.

    ResponElimina
  6. ieu? far de glacets? e pels autres? m'as ben agachada?
    en mai d'akò, cal pas una makina especiala?

    ResponElimina
  7. Quequejaire17/8/11 9:31

    B'as rason, l'anonime ! Mercés a tu.

    Mes dèisha de t'estujar darrèr deu ton gran chapèu tà préner fòtos, que t'avem reconegut... ;)

    ResponElimina

Mercé :)