Coma soi dins una passa de misantropia aguda, passi mon temps liure soleta amb mon macbook d'amor.
E mon macbook d'amor, lo preni dins lo lièch per agachar de films qu'ai telecargats legalament, que dempuèi qu'ai un mac, telecargui pas mai de films tot poirits, crompi en cò d'Apple. E ben òc, ma paura Luceta, las cal plan pagar las flors sus la tomba del paure Steve.
Vau doncas dins ItunesStore e me lògui de films.
Problèma nº1 : totes los dessenhs animats de Disney, Pixar o autres, se pòdon pas logar, los cal crompar. WTF???
Problèma nº2: tot plen de films son pas disponibles en VO e los films en francés doblats, non merci. Quand serai dictatritz del mond entièr, la linha màger de ma politica lingüistica serà d'enebir lo doblatge e d'autorizar pas que lo doblatge a la con que comprenes pas res, coma fan a la television per las novèlas ont ausisses lo tipe parlar dins sa lenga e que, per dessús, lo traductor parla e que, fin finala, comprenes ni un ni l'autre.
Problèma nº3: pòdi pas crompar o logar sus un itunesstore autre que lo francés, e comprenètz ben qu'aquò m'emmèrda grèu. Ai pas brica enveja d'agachar los films d'Almodóvar en francés. E vòli telecargar de films espanhòls que se tròban pas sus l'itunes store francés (perque son tròp marrits lòl). E puèi, aquò me conven pas d'èsser dins una logica culturala francesa, i soi ja de tròp. Manca pas que de m'abonar a Telerama e soi cuècha!
Ai escrich a un quauqu'un de virtual de'n cò de la Poma per saber cossí faire. Aquel quauqu'un virtual me respondrà dins 72h, s'ai d'astre. Benlèu que me respondrà pas jamai aquela non-persona virtuala.
Alara, tu, legeire virtual que m'aimas (e mai tu que m'aimas pas), auriás una idèa o una solucion?
E ben ten-nos al fial! Una altre emmerdament d'en cò la poma: en França sès necessariament francés!
ResponEliminaDab los films estrangèrs qu'as sus i-tune, que'm sembla qu'as la version francesa E la version originau. En tot cas qu'èra plan lo cas dab lo film que crompèi sus i-tune: que poish espiar la version francesa com la version originau americana (totun n'èi pas sabut hicar-i los sostitols).
ResponEliminaJdP : es pas vertat per totes los films. N'i a que son pas disponibles en VO!
ResponEliminae ieu los sachèri metre los jostitols :D
Pòdètz veire çò que volètz en streaming per exemple cal clicar sus courteclic , mas ne cal se prendre lo portable al lièch. Mas sens l'escanar per causa del ventilator.
ResponEliminaEs a dire que benlèu marcha pas ambe lo paure Job.
E i a un fum de sitis que fan de streaming , e que se pòt veire quitament totes los films, novèls o vièlhs , leialament.
Que lo film es pas cargat sus l'ordi mas sonque de passtge sus la memòria viva...
Aprèp per la lenga vos cal causir ...