En legissent aqueste article fòrça interessant sus lo malhum dels "restaurants" Macdonalds als Estats Units e en França, aprenèm que n'i a pas en Corsega. Òsca.
E n'an en Corsega de Quick? Ba, nos ne cagam tant qu'an de kebabs...
E i a un ligam cap a una mapa del mond dels païses sens Macdonalds :
E aquí, vesi ma nullitat en geografia:
De qu'es lo país pichonèl en blau al nòrd-èst d'America dau Sud?
E las isclas entre America dau Nòrd e America dau Sud, quinas son? I deu aver Cuba dedins... mas qué mai?
E de qué son aqueles païses entre China e Índia?
E de qu'es la mitat de país al nòrd d'Austràlia?
Aquò m'a permés de descubrir aquel site que i podètz anar procrastinar dessús : unecartedumonde.fr. I veiretz una mapa plan polida de las connexions facebook, una mapa plan trista de la censura d'internet, una mapa de consumacion del cafè per far lo bèl-bèl dins las convèrsas que los Finlandeses bevon 12kg de cafè per an e qu'aquò pòt explicar lo taus de suicidis del país, podretz tanben descubrir qu'en Islàndia, en causa del freg, es lo país ont bican lo mai jove.
Ai seguit los ligams suls sitis dels ligams e siái tombada sul sit original (chartsbin.com) e agachatz aquò! I a pas de qué cridar cocoricò! Diretz "Tan val mai èsser aquí qu'al Japon" (Cf. mapa). Crèsi que nos val caler nos expatriar, bican mièlhs endacòm mai. A despart que la mapa mòstre la diferéncia entre la realitat cotidiana e de fantasmes cauds, cauds, cauds.
ResponElimina