dissabte, 8 de gener del 2011

Questions als legeires

Sabètz qué?
E ben ai un legeire psicopata.
Òc, un tipe que legís mon blòg, espepissa cada frasa, cada linha, cada mot.
Puèi pren sos diccionaris. E verifica.
Puèi me manda un email en me dire "aquò's s'escriu pas aytàl, mas aital" e me dona d'arguments, me cita sos diccionaris, sas gramaticas, totas las autras lengas del mond mondial per afortir sas correccions. Coma es mai saberut que ieu, e ben lo cresi. E quand soi ben lunada, fau la correccion. E quand soi pas gaire ben lunada, li respondi un "m'emmèrdas" cort, mas franc. 
Acabi per corregir perque sabi qu'a rason. E puèi, sabi qu'es pas plan de daissar de decas. Puèi coma es pas con, la puta, me flata! Me ditz que "tant de monde" me legisson, ai la pression.

E, legeires psicopatas o pas, las vesètz vosautres las decas? 
A rason lo corrector psicopata, me cal me tornar legir e dubrir mos diccionaris quand bloguegi?


Pasmens...
Quand l'exutòri ven exercici, pèrd de son interès.

19 comentaris:

  1. Patricia8/1/11 10:49

    Ai apres aquò en sociò-linguistica l'an passat : los encuolaires de moscas. :)

    ResponElimina
  2. es ako ke te bloka un fun de locutor e ke lis a empacha de parla la lenga, l'ortografi? una malautié
    ocitatriste.... eu... ocitanista. A vous dégouter un tas de jeunes de parler et d'écrire librement la langue. Mr le linguiste, on ne vous remercie pas...

    ResponElimina
  3. Ben ieu soi pas d'acòrdi. Pensi que se podèm aver las decas corregidas, melhor. De tot biais, se lo tipe (que veneri) te corregís a tu, es perqué de decas ne fas pas brica generalament. A ieu, que ne fau quasi una a cada linha, me corregís pas. Benlèu que la "pesca a las decas" es son metòde per far la ribas, finala :)

    ResponElimina
  4. Veses çò que nos infligís: un exercici exutòri!
    Pasmens fai mèfi, crèsi ieu qu'es benlèu l'inspector d'acadèmia que verifica que siágues a la nautor de tos paures estudiants. Veiràs ben quand aurà pro ribejat e que montarà a l'arrambatge!

    ResponElimina
  5. Te fau escrir ne'n lemosin, lu darnier spikofresne fuguet espeunat un jorn 'queu se permenava mascarat ne'n lop.

    ResponElimina
  6. Vole far una declaracion : lo legeire psicopate qu'es pas me. Sabe pas escriure en lengadocian.

    Escriure en lemosin ? bennn ai 'gut un psicopate maitot un jorn, me. Que me disset que mon lemosin era trop lengadocianizat e que me mandet (m'envoiet perdon) l'integrala numerizada per Google de las faulas de Focaud per m'aprener la lenga lemosina vertadiera...

    Sinon, non, las vese pas las dechas. Pensava pas possible qu'una drolla tant intelligenta coma te podia ne'n far... (e paf, te fote la pression...).

    ResponElimina
  7. a Patricia :… los encuolaires de moscas.
    Dins una lenga mai blosa, mai sostenguda, mai academica, mai politicament corrècte – la lenga de Mela, qué (levat pel darrièr qualificatiu) : … los sodomizadors de coleoptèrs

    ResponElimina
  8. Andriu, las moscas son pas de coleoptèrs, son de diptèrs.

    ResponElimina
  9. mas que ieu voliai dire quicòm mas la maquina o volguèt pas...

    ResponElimina
  10. Ne vesi passar de decas, mas per ma part considèri que los correctors an pas de se far jutges.

    ResponElimina
  11. @Patricia & André: "los envergaires de moscas" es benlèu mai blos?

    ResponElimina
  12. En occitan gascon, que cau díser envergaires de diptèrs moscas.

    ResponElimina
  13. Qual diguèt "e ben, sas, quand legissi los comentaris del blòg de Mela, m'agradariá plan d'èsser una mosca!"?

    ResponElimina
  14. Una mosca a mens de probabilitat d'èstre enculoada per un corrector qu'a pas de se far jutge qu'un corrector encuolat per un jutge qu'a pas de se far mosca, e reciprocament, sustot se lo corrector es un gorilla, aquò es provat.

    ResponElimina
  15. Quequejaire10/1/11 10:16

    Contunha d'escríver tau com hès.
    De corregir quan n'as hami e de l'enviar a pèisher quan te prud de tròp...

    L'exemplaritat d'ua lenga viva, lenga qui emplègas ací, qu'ei tanben en lo fèit que lo nivèu de lenga d'un blòg n'ei pas tanpòc lo d'ua letra tà l'administracion, d'un prefaci de libe, e benaja qu'ès luenh tanben d'un SMS enviat a la corruda.

    Après, que crei qu'as chança d'aver un corrector personau, qu'ei perdiu miélher qu'un corrector automatic !
    A jo, de que n'i a qui'm hartan per'mor qu'ei la mea ortografia qui volerén corregir, mes pas tà melhorar la lenga... lavetz, avossi a causir...

    E si l'enculaire de moscas e's hè plaser, e ben, que pague l'apero ! ;)
    Que l'arremercii totun de passar temps entà melhorar las meas lecturas e lo men nivèu en lengadocian orientau...

    ResponElimina
  16. Bon, lo corrector - qui veneri- qu'ei lhèu cagant, mes jo disi qu'a rason d'ac estar. En realitat, me sembla a jo que çò qui enerva la Melineta n'ei pas tant lo corrector, que de pas aver rason.

    ResponElimina
  17. L'autor ha eliminat aquest comentari.

    ResponElimina
  18. Quequejaire: li vau dire que me (nos?) lo pague l'apero :)
    Sus msn, te parli sovent en lengadocian orientau, mas sul blòg, es pas d'orientau, es de lengadocian pas orientau.
    Se vòs legir de bon lengadocian orientau, te conselhi aquel blòg: http://monta-mametas.blogspot.com .

    ResponElimina
  19. KKJ dialectològue12/1/11 17:08

    Solide, que hèi la dif, jo, enter totes aqueths parlars... ;)

    ResponElimina

Mercé :)