dissabte, 29 de gener del 2011

Sonomètre

Soi a cercar un ostalon de logar per una dimenjada a la fin de febrièr. 
Sul sit dels Gites de France, ai quatre critèris de seleccion: 
- a l'endrech que vòli
- dubèrt fin de febrièr
- polit
- 100€ maximum per la dimenjada

Dins ma seleccion, ai quatre finalistas. Ara, me cal far un classament. (qual a dich en doça que soi psicorigida??). A qué servís lo classament? E ben a qual vau telefonar en primièr, pardina!
Per lo classament, agachi se i a internet perque soi una geekassa. Es reglat: an pas internet (raaaaaaaaaaa). Alara, agachi lo lièch perque soi una fenhantassa o una coquinassa o los dos a l'encòp. E ben un dels ostalons, i a un lièch estil Loís XIV plan polit amb de fusta dabans, darrièr e suls costats. E ben, sus mon papièr, ai marcat "lièch que fa de bruch".

Supòrti pas quand lo lièch fa mai de bruch que ieu.

2 comentaris:

  1. Avèvi un vielh lheit, hòrt polit, tot de fusta esculptada,... mes aquò èra avant la pubertat. Adara èi un somèr de latas Ikea sus 4 pès Ikea tanben.
    Simplicitat, sobrietat, insonorizat !

    ResponElimina
  2. Ne't pòdi pas seguir dens lo ton rasonament suu lièit que hè brut. Los qu'emplegan la lenga de husta ne hèn pas gran brut. Los que son pas de husta ne hèn pas brut tanpauc mès, a còps, que hèn d'efieit…

    ResponElimina

Mercé :)